Agjenti i njohur Jorge Mendes takohet me Barcelonën për të diskutuar kontratën e re të Ansu Fatit

Jorge Mendes ishte në Kataloni të mërkurën për t’u takuar me drejtorët e Barcelonës dhe për të diskutuar kontratën e klientit të tij të ri Ansu Fati.

Mësohet se aty u fol edhe për të ardhmen e Nelson Semedos, një tjetër lojtar i përfaqësuar nga agjencia Gestifute e Mendes.

Ansu Fati është një yll në rritje i futbollit botëror dhe Barcelona dëshiron të sigurojë që ai do të kalojë vitet e tij më të mira në Camp Nou.

Kontrata aktuale e 17-vjeçarit është valide deri në 2022 dhe ka një klauzolë lirimi prej 170 milionë euro.

Barcelona mund ta rrisë klauzolën në 400 milionë euro kur lojtari regjistrohet në ekipin e parë dhe kjo pritet të ndodhë në ditët në vijim.

Barcelona gjithashtu ka mundësi për të zgjatur kontratën e lojtarit deri në vitin 2024, por kjo shtesë dy-vjeçare e marrëveshjes së tij aktuale paraqet disa probleme ligjore sepse të miturit nuk mund të nënshkruajnë kontrata më të gjata se tre vjet.

Ansu Fati është ende 17 vjeç dhe mbush 18 më 31 tetor, rreth shtatë javë pas.

Në çdo rast, mund të ketë bisedime për një kontratë krejt të re që do t’i lejojë klubit qetësinë për të pasur për Ansu Fatin.

Këtu hyn Jorge Mendes, pasi sulmuesi tani është nën menaxhimin e tij, duke u ndarë nga vëllai i Lionel Messit, Rodrigo Messi.

Duke pasur parasysh potencialin që Ansu Fati ka, ekziston një mirëkuptim mes palëve që kushtet e reja do të duhet të ndryshojnë. /Telegrafi/