Live Afati i janarit 2025
Afati kalimtar i janarit: Transferimet minutë pas minute, emra të mëdhenj në bisedime
Përditesuar Para 12 ore e 59 min
Afati kalimtar i janarit zakonisht nuk e ka forcën e atij të verës, por shpesh herë di të na befasojë, me emra të mëdhenj që ndërrojnë mjedis.
Ky kalimtar do të jetë i hapur deri më 3 shkurt në top ligat evropiane.
ky afat mund të jetë vendimtar edhe për disa nga lojtarët shqiptarë që luajnë në Evropë, por edhe te ata që janë në ligat vendore.
Telegrafi do tu mbajë të informuar minutë pas minute me të gjitha transferimet që ndodhin në këtë muaj.
Zyrtare: Donyell Malen kalon te Aston Villa
Aston Villa ka kompletuar transferimin e Donyell Malen nga Borussia Dortmundi.
Sulmuesi 25-vjeçari, i cili ka mbi 100 gola në karrierë, bashkohet nga gjigantët gjermanë për një shumë prej 25 milionë euro plus bonuset.
Zyrtare: Sokol Cikalleshi dhe Endri Çekiçi nënshkruajnë me Adanaspor
Adanaspor, një nga skuadrat e Ligës së Parë të Turqisë ka nënshkruar me Endri Çekiçin dhe Sokol Cikalleshin.
Çekiçi dhe Cikalleshin edhe më parë kishin luajtur së bashku, por në elitën e futbollit turk me Konyaspor.
Çekiçi ishte pa klub në gjashtë muajt e fundit, ndërsa Cikaleshi kishte kaluar te Tractor në Iran.
E kryer, Napoli dhe PSG arrijnë marrëveshje për Kvicha Kvaratskhelian
Tashmë gjithçka është kryer, sulmuesi anësor Kvicha Kvaratskhelia do të kalojë te PSG nga Napoli, pasi klubet sot kanë mbyllur marrëveshjen.
Kvaratskhelia tani do të niset drejt Parisit për të nisur aventurën e re me klubin e madh francez.
Paris Saint-Germain dhe Napoli kanë qenë në kontakt të vazhdueshëm gjatë ditëve të fundit për të gjetur një marrëveshje përfundimtare për gjeorgjianin.
Zubimendi po nënshkruan me gjigantin anglez
Martin Zubimendi pritet të transferohet në Ligën Premier në fund të sezonit, kanë bërë të ditur disa raportime të fundit.
Mesfushori ka qenë subjekt i thashethemeve të shumta pas paraqitjeve të tij të mira me Real Sociedadin në La Liga.
Liverpooli kishte tentuar transferimin e reprezentuesit spanjoll, por kishte dështuar në përpjekjet e tyre verën e kaluar. Por Zubimendi është në prag të kompletimit të marrëveshjes për t’u bërë pjesë e Arsenalit, me këta të fundit që do të aktivizojnë klauzolën e tij të lirimit prej 51 milionë eurosh.
Real Madridipret ofertën e duhur për ta shitur më Tchouamenin
Aurelien Tchouameni duket se do të largohet nga Real Madridi vetëm pas dy viteve e gjysmë qëndrim në “Santiago Bernabeu”.
Te Real Madridi duket se janë ngopur duke pritur përmirësimin e francezit dhe kanë vendosur që ta shesin atë, qoftë në afatin kalimtar të janarit.
Newcastle rivalizon Juventusin për Fikayo Tomorin
E ardhmja e Fikayo Tomorit duket larg Milanit, por mbetet në dyshim nëse do të mbetet në Serie A apo do të rikthehet në Ligën Premier.
Mbrojtësi anglez nuk është më një i paprekshëm te Rossonerët dhe shitja e tij mund të bëhet gjatë afatit kalimtar të janarit.
Juventusi prej kohësh është duke e kërkuar qendërmbrojtësin anglez, por ende pa arritur deri te transferimi i tij.
Së fundmi në garë për transferimin e Tomorit është futur edhe skuadra angleze Newcastle United, që dëshiron ta përforcojë repartin defensivë.
Real Madrid dhe PSG pas Savinhos
Real Madrid raportohet se ka shprehur interesim për njërin prej lojtarëve të Manchester Cityt pas humbjes ndaj Barcelonës.
Siç ka raportuar CaughtOffside, ‘Los Blancos’ kanë vendosur që të ‘testojnë ujërat’ me një ofertë për sulmuesin Savinho.
Real Madridi dhe PSG-ja kanë dërguar vëzhgues për ta përcjellë lojtarin në javët e fundit, gjatë ndeshjeve ndaj Leicester City dhe West Ham.
Isak futet në listën e ngushtë të Barcelonës për ta zëvendësuar Lewandowskin
Barcelona po vazhdon ta hulumtojë tregun evropian për ta gjetur një sulmues të ri me Robert Lewandowski që së shpejti do të mbushë 37 vjet.
Reprezentuesi polak ka impresionuar përtej pritshmërive këtë sezon, por blaugranasit janë të vetëdijshëm se ata duhet të bëjnë një lëvizje herët ose vonë.
Objektivi i tyre i preferuar për ta zëvendësuar Lewandowskin është Alexander Isak, i cili po shijon një sezon fantastik me Newcastle United, pasi ka shënuar 15 gola dhe ka bërë 4 asistime në 22 paraqitje.
Roma mbyll marrëveshjen për transferimin e parë, tani po punohet për Davide Frattesin
Roma këtë edicion ka pasur shumë probleme me tre trajnerë deri më tani që kanë drejtuar kryeqytasit.
E nisi Daniele De Rossi për të vazhduar Ivan Juric dhe tani Claudio Ranieri i cili po mundohet ta rikthejë në binarë klubin e tij.
Pas fillimit të tmerrshëm, Roma po kërkon të përforcohet dhe tanimë kanë siguruar shërbimet e mbrojtësit të djathtë holandez, Devye Rensch.
Kingsley Coman ka përfunduar si objektiv kryesor i Arsenalit
Sulmuesi i Bayern Munichut, Kingsley Coman thuhet se ka përfunduar si objektiv kryesor i Arsenalit për fazën e sulmit.
Sipas raportit të fundit të Fichajes, Arsenali është i interesuar për lojtarin e Bayern Munichut, Kingsley Coman.
Lëndimet e lojtarëve sulmues si Bukayo Saka, Gabriel Jesus dhe Ethan Nëanieri e kanë shtyrë menaxherin Mikel Arteta të kërkojë përforcime për pozicionet sulmuese.
Messi po rikthehet tek Barcelona gjatë këtij viti? Një klauzolë speciale ia lejon këtë
Lionel Messi mund të bëjë rikthimin sensacional tek Barcelona në 2025, pasi planet e kontratës nga Inter Miami potencialisht përfshijnë aktivizimin e një klauzole transferimi.
Ylli argjentinas po futet në vitin e fundit të kontratës së tij aktuale në Florida. Këto kushte, sidoqoftë, përfshijnë opsionin e rinovimit të saj edhe për 12 muaj të tjerë.
‘The Herons’ pritet që ta zgjasin bashkëpunimin me tetë herë fituesin e Topit të Artë në mënyrë që ai të vazhdojë të luajë në ‘Chase Stadium’.
Leipzig anulon transferimin e Okafor – zvicerani dështoi në teste mjekësore
Sky Sports ka raportuar se RB Leipzig ka anuluar transferimin e Noah Okafor si huazim nga Milani, pasi sulmuesi nuk do të jetë në gjendje të luajë për një kohë.
Reprezentuesi zviceran pritej që të bëhej pjesë e klubit gjerman në formë huazimi me opsionin e blerjes për 25 milionë euro.
Ai u largua nga Milani për të udhëtuar në Gjermani atje ku gjatë ditës së hënë iu nënshtrua disa testeve mjekësore.
PSG dhe Napoli arrijnë marrëveshje për tarifën e transferimit të Kvaratskhelia
Drejtuesit e Napolit dhe Paris Saint-Germain thuhet se kanë arritur një marrëveshje verbale për tarifën e transferimit të Khvicha Kvaratskhelia.
Ylli gjeorgjian është gati t’i bashkohet PSG-së pasi gjigantët e Ligue 1 dhe klubi i tij Napoli ranë dakord verbalisht për tarifën e tij të transferimit.
Eksperti i transferimeve Fabrizio Romano dhe mediumi La Gazzetta dello Sport pretendojnë se drejtuesit e klubeve kanë rënë dakord të finalizojnë marrëveshjen për një tarifë që tejkalon 70 milionë euro.
Liverpooli nis bisedimet me sulmuesin i cili pritet ta zëvendësojë Nunez pas largimit
Liverpooli ka hapur bisedimet për transferimin e një sulmuesi të ri mes raportimeve që po e lidhin Darwin Nunez me një largim nga ‘Anfield’.
Mbrëmjen e së hënës u zbulua se Liverpooli ka refuzuar një ofertë verbale në regjionin e 70 milionë eurove për Nunez.
Klubi arab Al-Hilal thuhej se ishte klubi i cili bëri këtë ofertë të madhe sipas Sam Maguire, i cili sugjeron se lideri i Ligës Premier është i gatshëm ta pranojë një ofertë prej 75 milionë eurosh.
Asensio largohet nga PSG, katër klube në garë për spanjollin
Marco Asensio ka vendosur të largohet nga Paris Saint Germain gjatë afatit kalimtar të janarit.
Sulmuesi spanjoll ka qëndruar një vit e gjysmë te PSG dhe tani ka vendosur të largohet pasi dëshiron një klub ku mund të ketë më shumë minuta.
Gazetari i njohur sportiv Ekrem Konur ka njoftuar se në janar Asensio do të largohet nga PSG, ku katër klube e duan që në janar.
Arteta ka tri opsione për ta përforcuar sulmin e Arsenalit pas lëndimit të Jesus
Arsenali raportohet se ka rritur përpjekjet për të blerë një sulmues pas disfatës që pësuan ndaj Manchester United në raundin e tretë të FA Cup.
Dhe për ta shtuar këtë ndjenjë negativiteti që ka rrethuar klubin, sulmuesi Gabriel Jesus u detyrua të largohej pas 40 minutave lojë pasi pësoi një lëndim në gju.
Kjo mund ta joshë Arsenalin që ta transferojë një sulmues gjatë afatit kalimtar të janarit për ta plotësuar mungesën e tij.
Tre emrat e sulmuesve që klubi i ka në listë >>>
Napoli ka marrëveshje me Zhegrovën, por Lille po refuzon shitjen e yllit kosovar
Edon Zhegrova vazhdon të jetë i lidhur me Napolin, por transferimi i tij në Serie A nuk është diçka që mund të kryhet lehtë.
Sulmuesi kosovar pëlqehet shumë nga Antonio Conte dhe thuhet se ka kërkuar kalimin në Serie A.
Corriere dello Sport ka raportuar se Napoli ka tanimë një marrëveshje me agjentin e futbollistit, por mungon ajo me Lille.
Promo
Reklamo këtu
Nga Central Park
Nga Super Viva
Nga Fafa Resort
Nga Frutex
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Rrëfimi tronditës i Bernardit, tregon se si fëmijë u dhunua nga një burrë: Pasi bëra grua e fëmijë, kuptova se isha homosekual
Familja e G Banit dërgojnë letër në BBVA, dhe dalin kundër veprimeve të djalit të tyre: I kërkojmë falje familjarëve të Gjestit
SHBA i jep dritën e gjelbër FSK-së për blerjen e helikopterëve
Publikohen pamjet e protestës për Gjestin para Top Channel, të pranishëm edhe Policia e Shtetit
Amber çohet dhe kërkon të largohet në mes të spektaklit nga BBVA: Nëse Gjesti është shembulli, unë po iki që tani
U vlerësuan si "plehra", por tani janë të pazëvendësueshëm për ukrainasit: Transportuesi legjendar i luftës në Vietnam, në një zenit të ri