Ka tash e sa kohë që në Kosovë është vënë në lëvizje fushata e grupit të quajtur “Besa-besë”, e cila fton qytetarët që të bojkotojnë produktet serbe.
Qëllimi i iniciativës është vetëdijesimi i qytetarëve për të zëvendësuar produktet serbe me ato vendore, duke ndihmuar kështu edhe në fuqizimin ekonomik të vendit.
Një iniciativë e tillë është përkrahur edhe nga personalitete të shumta nga fusha e politikës, artit, e të tjera.
E fundit që iu bashkua kësaj thirrje është aktorja dhe deputetja e njohur e Lëvizjes Vetëvendosje, Adriana Matoshi.
Ajo publikoi në InstaStory barkodin 860, që identifikon produktet dhe mallrat serb”.
Matoshi është vetëm një nga emrat e shumtë të përkrahësve që i bashkohen kësaj iniciative, e cila me veprimet aktuale të Serbisë është më shumë se kurrë e qëlluar dhe momenti duhur për vetëdijesim.
Postimi i aktores erdhi vetëm një ditë pas vizitës që anëtarët e “Besa-Besë” zhvilluan në Ministrinë e Industrisë dhe Tregtisë, ku iniciativën e tyre e shpalosën para ministres Rozeta Hajdari. /Telegrafi/
