Gjirokastër,16 turistë belgë festojnë ditëlindjen sipas traditave shqiptare

Një grup turistësh nga Belgjika kanë gjetur një mënyrë sa të veçantë aq edhe origjinale për ti uruar ditëlindjen një mikut të tyre.

Të 16 pjesëtaret e grupit udhëtuan në drejtim të Gjirokastrës dhe të veshur me kostume popullore shqiptare festuan përgjatë rrugëve të kalldrëmta. Disa prej turistëve belgë e vizitonin për të disatën herë qytetin e gurtë ndërsa vlerësojnë natyrën e bukur dhe mikpritjen e banorëve.

“Unë e dashuroj kulturën dhe traditën shqiptare, patëm ditëlindjen e një mikut tonë dhe menduam që ta festojmë këtu, në këtë qytet të bukur.”

 “Ne kemi ardhur këtu si turistë, një miku ynë ka ditëlindjen dhe menduam të vinim si grup për ta kaluar dhe festuar këtu në Shqipëri, moti është i qëndrueshëm, natyra e bukur, kështu që po ja kalojmë shumë mirë.”

Në këto ditë pranvere Gjirokastra dhe rrethinat po mirëpresin një numër në rritje turistësh kryesisht të huaj. Të preferuara për ta janë turet e vizitave në vlerat historike, traditat dhe pasazhin natyror që ofron jugu i vendit./Euronews Albania