Tifozët e Celticut mbështesin palestinezët dhe i thonë UEFA-s: Tregoji Izraelit një karton të kuq

Lojtarët e Celticut janë mposhtur me rezultat 2-1 nga Bayern Munichu mbrëmjen e së mërkurës në ndeshjen e parë fazës ‘play-off’ të Ligës së Kampionëve dhe ndeshja është shënuar nga koreografia e tifozëve vendas.

‘Brigada e Gjelbër’, një grup i njohur tifozësh të Celticut, shpesh shprehin mbështetje për Palestinën, veçanërisht pas fillimit të sulmeve izraelite në Gaza në tetor të 2023.

Mbrëmë, gjatë ndeshjes kundër Bayernit, tifozët më të zjarrtë të Celticut në tribuna shpalosën një pankartë të madhe me një mesazh për UEFA-n.

“Tregoni ‘Izraelit’ një karton të kuq”, shkruhej në koreografi, ku fjala “Izrael” ishte e shkruar me bojë të kuqe që, si gjaku, rrjedh nga shkronjat.

Show Israel the red card 🟥 pic.twitter.com/2HJenJ1mBh

— Hargi (@hargi_) February 12, 2025

Poshtë mesazhit, ata mbanin qindra kartonë të kuq dhe valëvitnin flamurin palestinez.

Mesazhi për t’i treguar Izraelit një karton të kuq është i qartë – nëse futbollistët rusë suspendohen për sulmin e vendit të tyre ndaj Ukrainës dhe nuk mund të marrin pjesë në asnjë garë të UEFA-s, atëherë izraelitët duhet të kenë të njëjtin trajtim për sulmin ndaj palestinezëve.

Por, një gjë është e sigurt – Celticu do të dënohet, siç kanë bërë shumë herë më parë, për mbështetjen e tifozëve të tyre për Palestinën. /Telegrafi/