Liam Payne do të nderohet me një homazh të veçantë në BRIT Awards: One Direction mund të ribashkohen në skenë

Liam Payne do të nderohet me një homazh të veçantë në BRIT Awards të këtij viti, pas vdekjes tragjike në tetor 2024, kur ai humbi jetën në moshën 31-vjeçare nga një rënie nga ballkoni i një hoteli në Argjentinë.

Shefat e spektaklit janë duke planifikuar një homazh “të paharrueshëm” për këngëtarin, i cili kishte marrë pjesë disa herë në çmimet BRIT si artist solo dhe si pjesë e One Direction.

Një moment kulmor mund të jetë ribashkimi i anëtarëve të One Direction – Niall Horan, Zayn Malik, Harry Styles dhe Louis Tomlinson – në skenë për herë të parë në 10 vjet, shkruan DailyMail.

Ata performuan së bashku për herë të fundit në 2015 dhe tani, spekulimet janë të mëdha se do të ribashkohen për të nderuar Liam-in.

Një burim i afërt tha për The Sun: “Përgatitjet janë ende në faza të hershme, por do të ketë performanca, montazhe dhe një orkestër live për të kujtuar Liam-in”.

Përveç anëtarëve të One Direction, edhe artistë të tjerë mund të kontribuojnë në këtë ngjarje, e cila pritet të jetë një mbrëmje emocionuese.

Ky nderim vjen pas një tjetër akti kujtimi, kur Clevedon Pier në Somerset zbuloi një pllakë për Liam-in, pas vdekjes së tij.

Pllaka përmban vargje nga kënga e One Direction “Walking in the Wind”, që kishte një lidhje speciale me grupin, pasi videoklipi i këngës ishte filmuar në këtë skelë në vitin 2014.

Për më tepër, një ngjarje e posaçme u organizua në janar me rilëshimin e dokumentarit “This Is Us”, për të nderuar Liam-in dhe për të mbështetur bamirësitë që luftojnë për shëndetin mendor, si MIND, SAMH dhe AWARE NI.

Fitimet nga kjo ngjarje shkuan për këto kauza, duke ndihmuar ata që po përballen me probleme të ngjashme si Liam.

Ky homazh për Liam Payne do të jetë një ngjarje e paharrueshme, që do të kujtojë kontributin e tij të jashtëzakonshëm në muzikë dhe jetën e tij të pasur me pasione dhe vuajtje. /Telegrafi/