Pas Pulisic dhe Musah, një tjetër lojtar amerikan mund t’i bashkohet Milanit

Raportimet po vazhdojnë të qarkullojnë se Milani do të bëjë një lëvizje në janar për Giovanni Reyna, por Borussia Dortmund po kërkon rreth 15-18 milionë euro. 

‘Rossonerët’ po mundohen ta përmirësojnë sulmin e tyre për trajnerin e ri Sergio Conceicao, ani pse planet e tyre u prishën pas RB Leipzig e anuloi transferimin e Noah Okafor dhe Manchester United po refuzon të paguajë një pjesë të pagës së Marcus Rashford. 

Sky Sports Deutschland tani ka raportuar se Borussia Dortmundi ka vendosur një çmim për reprezentuesin amerikan dhe është mes 15-18 milionë eurosh. 

Negociatat besohet se janë në faza shumë të hershme dhe momentalisht është vetëm një eksplorim për të parë nëse ai mund të jetë një prej opsioneve. 

22-vjeçari kështu do të bëhej amerikani i tretë që vesh fanellën e Milanit pas Christian Pulisic dhe Yunus Musah. 

I gatshëm të luajë në role të ndryshme, Reyna ka shënuar dy gola në 11 ndeshje zyrtare për Dortmundin deri më tani këtë sezon. 

Për më shumë, ai ka një pasaportë portugeze, kështu që nuk do të mbushte njërin prej vendeve të lojtarëve jo-evropianë./Telegrafi/