Mikel Arteta tregohet i pamëshirshëm – pajtohet me largimin e tre yjeve të Arsenalit

Trajneri i Arsenalit, Mikel Arteta raportohet se është pajtuar me largimin e tre lojtarëve mes thashethemeve për transferimin e sulmuesit Alexander Isak. 

Gjatë disa afateve të fundit kalimtare, Arsenali është lidhur me disa prej sulmuesve më të mirë në botë, në përpjekje për ta përforcuar qendrën e sulmit. 

Së fundmi thashethemet sugjeruan se ‘Topçinjtë’ do të bëjnë një lëvizje për sulmuesi Isak, i cili me paraqitjet e tij është shndërruar në njërin prej më të mirëve në Ligën Premier. 

Sipas një raportimi nga Daily Mail, ka shumë pak mundësi që Arsenali do të jetë në gjendje të dhurojë shumën e kërkuar të parave nga Newcastle për transferimin e suedezit. 

Ndonëse Arsenali është në përputhje me Rregullat e Profitit dhe Qëndrueshmërisë, transferimi i Isak kërcënon që ta ndryshojë këtë fakt, duke bërë që drejtuesit e klubit të hedhin poshtë një lëvizje të mundshme për të. 

Në vend të kësaj, tekniku spanjoll ka kthyer vëmendjen e tij tek largimet ku tashmë tre lojtarë thuhet se do të largohen së shpejti nga Londra. 

Përkundër ngritjes së tij në formë së fundmi, Arsenali raportohet se do të dëgjojë ofertat për Gabriel Jesus në fund të sezonit. 

Lexo po ashtu Arsenali kontakton Man Utd për Rashford, ka gati ofertën e ulët

Braziliani ka shënuar gjashtë gola në katër ndeshjet e fundit për Arsenalin, por ai po shihet si tepricë në skuadër shkaku i mungesës së konsistencës. 

Mefushori Thomas Partey gjithashtu pritet që të largohet në fund të sezonit, me klubin që nuk është i interesuar ta rinovojë kontratën e tij aktuale prej 150 mijë eurosh në javë e cila skadon në qershor.

Në ndërkohë, Oleksandr Zinchenko gjithashtu mund të largohet gjatë janarit pasi ka humbur fanellën e titullarit nën urdhrat e Artetas./Telegrafi/