Angelina Jolie thotë se i urren ‘gënjeshtarët’, në intervistën e parë që nga finalizimi i divorci me Brad Pitt

Angelina Jolie ka folur për ndjesinë e saj ndaj gënjeshtarëve në intervistën e parë pas finalizimit të divorcit të gjatë me Brad Pitt.

Aktorja, e cila përfundoi divorcin javën e kaluar, shprehu urrejtjen e saj ndaj atyre që nuk thonë të vërtetën ose që krijojnë një imazh të rremë për veten.

“Për mua, gënjeshtarët janë të papranueshëm”, tha ajo për ‘W Magazine’, shkruan DailyMail.

Jolie, 49 vjeçe, gjithashtu tregoi se nuk ishte ëndrra e saj të bëhej aktore, por e nisi këtë karrierë për të mbështetur nënën e saj, e cila ishte menaxherja e saj.

Pas vdekjes së saj, ajo e gjeti më të vështirë të qëndronte në këtë industri.

Aktualisht, Jolie është duke punuar në një film aksion me Halle Berry.

Pas tetë vitesh beteje ligjore, Jolie dhe Pitt arritën një marrëveshje për ndarjen e tyre.

Avokati i Angelinës tha se ajo është e lehtësuar që ky proces ka mbaruar, duke shtuar se ajo ka refuzuar të flasë keq për Pittin, duke u përpjekur të ruajë një qetësi pas një periudhe të vështirë.

Jolie dhe Pitt, të cilët kanë gjashtë fëmijë, përfunduan divorcin në vitin 2023 pas një beteje të gjatë për kujdestarinë dhe pasuritë, përfshirë Château Miraval në Francë.

Të enjten, Jolie postoi një mesazh në Instagram për të ngritur ndërgjegjësimin për krizën humanitare në Siri, duke u fokusuar në përpjekjet e saj humanitare për më shumë se 17 milionë njerëz që kanë nevojë për ndihmë. /Telegrafi/