“Pavarësisht çdo zhurme, mendoj se kam gjetur djalin”, Elton Ilirjani në kërkim të familjarëve të Parashqevit

Pas zhurmës së madhe për gjetjen e Parashqevit Simaku, Elton Ilirjani ka shtuar edhe një tjetër postim në InstaStory-n e tij.

Ai ka zbuluar më shumë detaje për familjen e Parashqevit dhe një informacion të rëndësishëm.

Në postimin e tij, Eltoni shkruante: “Parashqevia u lidh pas shumë vitesh me vëllain e saj dhe nipat dhe mbesën! Familja e saj është tashmë në kontakt”.

Ky lajm ka sjellë një ngrohtësi për të gjithë ata që ishin të shqetësuar për fatin e Parashqevit.

Por, ajo çfarë ka tërhequr më shumë vëmendje ka qenë një tjetër deklaratë e Ilirjanit, ku ai shkruan: “Pavarësisht çdo zhurme, mendoj se kam gjetur djalin e Divës! Zoti është i Madh! Djali është e vetmja shpresë! Falënderoj një shoqe të mrekullueshme që e dua shumë”.

Ky mesazh ka ngritur më shumë pyetje dhe ka rritur kuriozitetin te ndjekësit e tij në rrjetet sociale.

Edhe pse nuk janë dhënë detaje të tjera, ky postim i fundit tregon për një zhvillim të rëndësishëm, i cili ka emocionuar shumë ndjekësit dhe ka sjellë shpresë për familjen e Parashqevit. /Telegrafi/