Maya Jama kanalizon Elizabeth Hurley me fustanin “Versace” në MTV EMA

Maya Jama tërhoqi gjithë vëmendjen, duke bërë një shfaqje mahnitëse në tapetin e kuq të MTV European Music Awards 2024 në Co-op Live Arena të Manchesterit.

Prezantuesja e njohur e “Love Island”, 30 vjeçe, ka shkëlqyer me një fustan të zi të stilit elegant dhe guximtar, i cili shpalosi bukurinë e trupit të saj dhe e bëri atë të dallohej menjëherë në mesin e yjeve të tjerë.

Fustani i saj, i karakterizuar nga një çarë e lartë që shfaqte dekoltenë dhe këmbët e saj të tonifikuara, u përshkrua si një zgjedhje e guximshme dhe tërheqëse, shkruan DailyMail.

Ajo e vuri theksin në fustanin e saj me një detaj të fuqishëm – dy kunja të mëdha sigurie prej ari që i jepnin një pamje ndryshe dhe të paharrueshme.

Ky element ishte i ngjashëm me fustanin legjendar që Elizabeth Hurley vuri në vitin 1994, tërhoqi menjëherë krahasime me atë moment ikonë të modës.

Në vitin 1994, Elizabeth Hurley e transformoi karrierën e saj duke veshur një fustan të tillë, kur e vuri atë për premierën e filmit “Four Weddings and a Funeral”, duke u shndërruar në një yll të njohur ndërkombëtarisht.

Maya Jama, pas tre dekadash, solli përsëri këtë stil të fuqishëm në tapetin e kuq, duke i dhënë një interpretim modern dhe të sofistikuar, por gjithashtu duke nderuar atë moment të paharrueshëm të historisë së modës. /Telegrafi/