Ambasadori britanik shkon në veri: Dëgjova shqetësimet dhe shpresat e komunitetit serb

Ambasadori britanik në Kosovë, Jonathan Hargreaves, ka vizituar veriun e vendit.

Jonathan Hargreaves, përmes një postimi në platformën X, ka shkruar se vizitën që iu bëri tri komunave në vëri mësoi për shqetësimet dhe shpresat e komunitetit serb.

“Iu kënaqa vizitës në Zubin Potok, Leposaviq dhe Mitrovicë të Veriut sot. Ishte kaq e dobishme për të dëgjuar shqetësimet dhe shpresat e komunitetit serb të Kosovës. Pres me padurim të vizitoj edhe shumë herë këtë zonë”, ka shkruar ambasadori britanik në Kosovë, Jonathan Hargreaves në X.

Gjatë ditës, edhe komandanti i misionit të KFOR-it, Ozkan Ulutash, u takua me një njësi patrulluese letoneze në detyrë në liqenin e Ujmanit.

“KFOR-i po monitoron nga afër çdo zhvillim të sigurisë dhe mban një qëndrim të shkathët dhe fleksibël në mbarë Kosovën, në përputhje me mandatin e tij të OKB-së”.

“Gjeneralmajor Ulutash shprehu mirënjohjen e tij për ushtarët letonezë për kontributin e tyre të vazhdueshëm në përpjekjet e KFOR-it”, thuhet në një njoftim të KFOR-it në Facebook.

Të dielën, në afërsi të Liqenit të Ujmanit ndodhi një shpërthim me granatë dore.

Nuk u raportua për të lënduar por vetëm për dëme materiale në disa makina të parkuara afër liqenit./Telegrafi/

Enjoyed my visit to Zubin Potok, Leposavic and northern Mitrovica today. So helpful to listen to the concerns and hopes of the Kosovo Serb community. Looking forward to many more visits to the area. pic.twitter.com/2Ah6a3Y406

— Jonathan Hargreaves (@jonhargreaves67) July 23, 2024