Tifozët e Barcelonës po hedhin monedha në TikTok për të ‘financuar’ transferimin e Nico Williams

Nuk është sekret që Barcelona dëshiron të bashkojë krahët e kampionëve të Euro 2024, Nico Williams dhe Lamine Yamal, në skuadrën e tyre për këtë sezon.

Pasi lojtari aktual i Athletic Bibalos në Euro 2024 pati paraqitje spektakolare, ka edhe shumë tifozë që duan ta shohin atë si lojtar të Barcelonës.

Ndaj, duke përfituar nga fakti që klubi publikoi një video në Tik Tok ku njoftonte numrin e ri të Lamine Yamal, e cili do të mbajë numrin 19, në komente filluan të bëhen ‘dhurata’ nga tifozët.

Bëhet fjalë për pagesa të vogla me centë dhe euro, në shumicën e rasteve, të cilat shoqërohen me një mesazh të përsëritur: “Për të ndihmuar në pagesën e nënshkrimit të Nico Williams” . Kjo iniciativë e tifozëve blaugrana ka vazhduar dhe po vazhdon tashmë në të gjitha videot që llogaria zyrtare e klubit po i poston në platformë.

Barcelona fans are sending donations on TikTok to the team telling them to buy Nico Williams 😂💀 pic.twitter.com/vBBsiCjGiW

— ESPN FC (@ESPNFC) July 18, 2024

Donacionet bëhen përmes TikTok-ut. Ky rrjet social i lejon përdoruesit të dërgojnë ‘shpërblime’ në llogari të tjera përmes komenteve në video, duke kontribuar me para.

Pa dyshim, iniciativa tregon se tifozët Blaugrana e duan Nicon në klub për sezonin e ardhshëm, por realiteti është se Barcelona nuk do të bëjë shuma të mëdha me këto donacione.

Barcelona fans are sending donations on TikTok to the team telling them to buy Nico Williams 😂💀 pic.twitter.com/vBBsiCjGiW

— ESPN FC (@ESPNFC) July 18, 2024

Videoja ka komente të shumta, se si dërgohen këto ‘shpërblime’, por gati më shumë se gjysma e tyre nuk janë donacione. Dhe ata që japin kontribute janë ‘shpërblime’ me pak para. Shumica e tyre janë 5 ose 10 cent, me ndonjë ‘pasionant’ pas Nico që jep deri 1 euro.

Barça nuk do të përfitojë praktikisht asgjë nga këto komente, pasi rrjeti social mban një pjesë të donacioneve dhe të ardhurat janë shumë të vogla, por tregon pasionin e tifozëve që Nico Williams të jetë anëtar i Barçës pa marrë parasysh sa kushton.

@fcbarcelona 📸 Lights, camera… 𝐍𝐞𝐰 𝐤𝐢𝐭! #fcbarcelona #barçaontiktok #deportesentiktok ♬ sonido original – fcbarcelona

Duke bërë llogaritë, nëse numërojmë mesatarisht 20 cent për çdo donacion, Barça do të duhet të marrë gjithsej 290 milionë komente për të arritur 58 milionë eurot e parashikuara në klauzolën e përfundimit të Nicos. /Telegrafi/