Red Bull 17 së shpejti i ligjshëm edhe në rrugë

Ka disa probleme me Red Bull RB17: kushton 6.5 milionë dollarë, është shitur, si dhe nuk mund të vozitet në rrugë publike.

Megjithatë, 50 klientët që kishin para dhe vepruan shpejt për të blerë veturën, do të mund të kapërcejnë edhe pengesën e fundit.

Kjo pasi RB17 po merr një konvertim ligjor në rrugë.

Kjo është e drejtë – Lanzante që qëndron pas McLaren P1 GTR do t’i japë RB17 gjithashtu një targë.

Një zëdhënës i komapnisë tha se pronarët e ardhshëm të hiperveturës Red Bull kanë shprehur tashmë interes për të paguar ekstra për të përdorur bishën jashtë një piste garash.

Siç mund ta imagjinoni, ta bësh atë në përputhje me rregulloret e veturave rrugore nuk do të jetë e lirë, përcjell Telegrafi.

Ajo do të kushtojë deri në 650,000 dollarë, rreth 10% e çmimit origjinal të modelit.

Vlen të përmendet se P1 GTR nuk është vetura e vetme për pista e konvertuar në një model për rrugë.

Një nga pesë njësitë e Pagani Zonda Revolucion mori të njëjtin trajtim dhe mori pjesë në Festivalin e Shpejtësisë në Goodwood të vitit të kaluar.

Por, do të kalojë pak kohë përpara se të shohim Red Bull RB17 të parë të modifikuar nga Lanzante pasi prodhimi i modelit standard nuk do të fillojë deri më vonë në vitin 2025.

Edhe procesi i konvertimit ka të ngjarë të zgjasë shumë muaj.

Në rastin e Porsche 935 të ligjshëm rrugor të shfaqur në Festivalin e Shpejtësisë në Goodwood javën e kaluar, Lanzante-s iu deshën rreth 18 muaj për të kthyer dy vetura për përdorim në rrugë. /Telegrafi/