“A po mendon për Yamalin?”, Naglesman thotë se më shumë ka mendjen te një lojtar i Gjermanisë

Trajneri i Gjermanisë Julian Nagelsmann ka theksuar se nuk po e kushton shumë kohë mendimit për yllin spanjoll Lamine Yamal, por është më i fokusuar te planifikimi për lojtarin e tij Jamal Musiala para çerekfinales së Euro 2024 të së premtes.

Yamal, i cili është lojtari më i ri që ka luajtur ndonjëherë në një Euro, ka impresionuar gjatë turneut, duke ndihmuar Spanjën të arrinte katër fitore radhazi me shpejtësinë dhe aftësitë e tij krijuese në krah.

Nagelsmann tha në një konferencë për shtyp se Gjermania duhet të gjejë mënyra për të kontrolluar shpejtësinë dhe aftësitë e adoleshentit, por ai përsëri u përqendrua te sulmuesi i tij krijues Musiala.

“Fokusi im është më shumë te Jamal sesa te Yamal. Nga pikëpamja e sulmit, kemi shumë kapacitet për të arritur,” tha Nagelsmann.

Ai shtoi: “Yamal është një talent i madh. Ai ka pasur një vit shumë të qëndrueshëm, duke treguar aftësi të rralla, edhe për klubin e tij, Barcelonën. Me vetëm 16 vjeç, ai paraqet një sfidë për lojtarët tanë. Do të shohim se si do të reagojë kur situata të bëhen më të vështira.”

Gjermania do të përballet me Spanjën në “MHPArena” të Stuttgartit, me ndeshjen që fillon në ora 18:00 të së premtes. /Telegrafi/