Me urdhrin e Mourinhos transferimi i tij i parë tek Fenerbahce vjen nga Liga Premier

Jose Mourinho dëshiron ta bëjë mesfushorin e Tottenhamit, Pierre-Emile Hojbjerg transferimin e tij të parë tek Fenerbahce, teksa portugezi po synon ribashkimin me mesfushorin danez në Turqi.

Moruinho mund t’i dhurojë Hojbjergut një “rrugë shpëtimi” nga Tottenhami dhe një mundësi për të luajtur nga minuta e parë.

Sipas gazetës turke Sabah, trajneri i ri i Fenerbahces e sheh ish-mesfushroin e tij si një lojtar kyç për transformimin e Fenerbahces.

Me ardhjen e Hojbjerg i cili do të luante përkrah Fred, Mourinho mund të formojë një dyshe të lojtarëve që i ka drejtuar më herët në Ligën Premier.

Tek Tottenhami dhe nën urdhrat e teknikut portugez, Hojbjerg u bë lider dhe shtyllë e mesfushës. Që prej largimit të Mourinhos, Hojbjerg gradualisht e kishte humbur vendin e tij në formacion, pasi Ange Postecoglou preferoi para tij emra si Pape Matar Sarr, Yves Bissouma dhe Oliver Skipp.

Mourinhos do t’i ngarkohet detyra për ta rikthyer Fenerbahcen në krye të futbollit turk, por rivalët e tyre gjithashtu kanë emëruar një lojtar të ri.

Besiktas e ka emëruar në postin e trajnerit ish-lojtarin e Barcelonës, Giovanni van Bronckhorst para fillimit të seoznit të ri, ndërsa Okan Buruk do të mbetet në krye të kampionit Galatasaray.

Fenerbahce dhe Tottenhami së shpejti pritet që të futen në negociata për të parë nëse mund të arrihet një marrëveshje për transferimit e danezit në Stamboll.

Mourinho dëshiron ta rivitalizojë një ekip i cili grumbulloi 99 pikë, por prapë se prapë nuk arriti që të shpallet kampion i Superligës së Turqisë./Telegrafi/