Juraj Cintula, i cili plagosi kryeministrin sllovak Robert Fico të mërkurën, është i lidhur me ish-grupin paraushtarak “Ushtarët Sllovakë” (SB).
Sipas të dhënave të vsquare.org, drejtuesit e këtij grupi janë trajnuar nga ish-pjesëtarë të forcave speciale ruse, raporton portali Novinky.
Në vitin 2016, Cintula shkroi disa mesazhe pro-ruse në profilin e SB në Facebook.
Atentatori i kryeministrit sllovak deklaroi se e kishte marrë vesh për ekzistencën e grupit në maj të vitit 2015.
“Më tërhoqën sepse nuk janë të varur nga shteti, gjë që është praktikisht e pakuptueshme në një shoqëri pasive si kjo e jona (Sllovakia). Gjithashtu më bëri përshtypje që ata blejnë vetëm pajisje dhe armë me paratë e tyre. Qindra mijëra emigrantë vijnë në Evropë, pjesë e së cilës ne jemi. Ushtarët Sllovakë nuk po përgatiten për të luftuar, por për mbrojtje”, ka shkruar ai në Facebook.
‼️🇷🇺Wow. Looks like Slovak PM Robert Fico's reported assailant, writer Juraj Cintula, was associated with pro-Russian paramilitary group Slovenskí Branci (SB). Their leader was even trained by Russian ex-Spetsnaz soldiers. Read more on @VSquare_Project 👇https://t.co/2IzSHwq54d pic.twitter.com/M9fgp186R3
— Szabolcs Panyi (@panyiszabolcs) May 15, 2024
Portali Novinky thekson se SB është një grup paraushtarak i paregjistruar me një orientim dukshëm pro-rus, i cili ka qenë aktiv në Sllovaki që nga viti 2012. Është themeluar si një klub ushtarak i paregjistruar, ekzistenca e të cilit që nga prilli i vitit 2016 sponsorizohet nga shoqata qytetare “Atdheu ynë është e ardhmja jonë”, me të cilën ndan botëkuptim të ngjashëm.
“Ushtarët Sllovakë” punuan pandërprerë me degën sllovake të “Ujqërve të Natës”, klub rus i çiklizmit i afërt me presidentin Vladimir Putin dhe konsiderohen si një forcë e fuqishme paraushtarake ruse.
Megjithatë, në muajin korrik të vitit 2018, Ministria e atëhershme sllovake e Mbrojtjes paraqiti një iniciativë në Zyrën e Kryeprokurorit për të shqyrtuar ligjshmërinë e ekzistencës së SB.
Ministri i asaj kohe, Jan Holek, ishte veçanërisht i shqetësuar për përpjekjet e së djathtës ekstreme, të mbledhur rreth nacionalistit sllovak, Marian Kotleba, për të kontrolluar grupin.
Megjithatë, ata arritën vetëm që u miratua një ligj që ndalon anëtarët e forcave të armatosura sllovake të përfshihen në organizatë.
Në atë kohë, SB kishte rreth 200 anëtarë. Në muajin tetor të vitit 2022, ata papritmas njoftuan se po pushonin aktivitetin e tyre, pa dhënë arsye. /Telegrafi/
Promo
Reklamo këtuLufta Prigozhin - Putin
Më shumëÇfarë do të ndodhte nëse Biden do të vendoste të tërhiqej nga gara për president?
Gjashtë emrat që mund ta zëvendësojnë Bidenin si kandidatë të demokratëve për president
Pse Hungaria dhe Italia votuan kundër posteve kryesore të BE-së?
Deklaratat e pavërteta të Bidenit dhe Trumpit në debatin e parë presidencial
Obama për debatin presidencial: Përballje mes dikujt që e thotë të vërtetën dhe dikujt që gënjen për përfitime
Pikëpyetjet e zgjedhjeve të Francës
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Gjashtë emrat që mund ta zëvendësojnë Bidenin si kandidatë të demokratëve për president
Çfarë do të ndodhte nëse Biden do të vendoste të tërhiqej nga gara për president?
Ku dhe si i gjeti policia kamerat në veri?
Njeriu më i zgjuar në botë: Kështu jeton Christopher Langan i cili është personi më inteligjent në planet
Morën vendime të gabuara, dy gjyqtarë largohen nga Euro 2024
Nagelsmann bëhet i pamëshirshëm, pritet ta largojë nga formacioni superyllin për ndeshjen ndaj Danimarkës