Momenti kur një i ri e pengon të dyshuarin për sulm me thikë në Sydney – ai konsiderohet heroi i ri i Australisë

Të paktën gjashtë persona u vranë nga një i sulmues me thikë gjatë incidentit në një qendër tregtare në Sydney të Australisë.

Një operacion i madh policor po zhvillohet pas raportimeve për të vdekur dhe të lënduar në qendrën tregtare Westfield Bondi Junction.

Edhe pse shumica e njerëzve janë evakuuar, të tjerë kanë mbetur të bllokuar brenda qendrës, përcjell Telegrafi.

E tashmë në rrjete sociale po qarkullojnë video të shumta të filmuara nga dëshmitarët e rastit. Disa prej tyre shfaqin vizitorët të frikësuar, e disa tregojnë se si të tjerë u përpoqën t’i rezistonin sulmuesit.

Pamjet ku shfaqet njëri nga vizitorët duke i dalë përpara sulmuesit për ta ndaluar të kryejë krime e kanë pushtuar internetin. Ky person nga shteti australian po konsiderohet hero pasi duke e bllokuar sulmuesin ka shpëtuar qindra jetë.

Më vonë, policia e vendit ka qëlluar sulmuesin e dyshuar, i cili ka mbetur i vrarë së bashku me tre qytetarë të tjerë.

Ndryshe, operacioni policor po vazhdon dhe autoritetet do të japin detaje të mëtejshme. /Telegrafi/

This man is an actual superhero. He saved hundreds of lives by blocking attackers who had already hurt multiple people at Sydney’s Westfield Bondi Junction mall.
#Sydney pic.twitter.com/JXWLDA2GJu pic.twitter.com/KWvtEPUw1Y pic.twitter.com/Jl9cFm4BvX

— Aftab🇵🇸 (@Aaftab258) April 13, 2024