Policia ia konfiskon veturën dhe e dënon me 500 euro gjobë një shofer në Gjilan

Policia e Kosovës ka konfiskuar një veturë në Kamenicë, si dhe shoferit i ka shqiptuar gjobë prej 500 euro, pasi i njëjti kishte të ndaluar vozitjen për tre muaj.

Në njoftim thuhet se, njësiti patrollues në Kamenicë gjatë një kontrolli rutinë bazuar në ligjin e ri të trafikut kanë ndalur një veturë me targa vendore dhe gjatë kontrollit është vërtetu se vozitësi shqiptar shtetas i Kosovës drejtonte mjetin e tij edhe pse kishte ndalesë të drejtimit të mjetit si masë mbrojtëse për tre muaj.

“Të njëjtit sipas nenit 246 konform ligjit për rregullat në trafikun rrugor 08/L-186 i është shqiptuar gjoba në vlerë prej pesëqind (500) euro, pesë (5) pikë negative dhe masën e përkohshme të ndalim vozitjes së mjeteve motorike në afat prej gjashtë (6) muaj”, vijon njoftimi.

Drejtoria rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të policisë, apo përmes aplikacionit digjital “Lajmëro Policinë’’.

E-mail: info@kosovopolice.com dhe numrat kundestarë:192; 0385045047001./Telegrafi/