Bashkimi Evropian ka konfirmuar se të martën në Bruksel do të mbahet takimi në nivel kryenegociatorësh, ku pjesë e diskutimeve do të jetë edhe çështja e rregullores së re të Bankës Qendrore të Kosovës, ku ndalon qarkullimin e dinarit.
Pjesëmarrjen në takim e ka konfirmuar edhe zëvendëskryeministri Besnik Bislimi.
Por, diskutimi i rregullores së BQK-së, në kuadër të dialogut Kosovë-Serbi, po kundërshtohet nga partitë opozitare në vend.
Zëdhënësi i Partisë Demokratike të Kosovës, Faton Abdullahu ka thënë se partia e cila tashmë është në pushtet, deri dje kanë gjykuar ata që kanë biseduar me Vuçiqin.
“Asgjë e re nga kjo mendësi politike, popullizëm gjithandej, taktizime me simbolika patetike e regresive, pa strategji largpamëse progresive. Kjo mendësi dje opozitare, ka hedh gur e dru, ka vërë zjarr dhe shpall tradhtarë të gjithë ata që janë gjykuar të ulen e të bisedojnë me Vuçiqin”, është shprehur Abdullahu për Telegrafin.
Ai deklaroi se çështja e dinarit është vetëm një segment i vogël, siç e quajti ai “adoleshencë neverike politike”.
“Sot të njëjtit, tash në pushtet me kollare, jo vetëm që ulen me Vuçiqin, por flasin për normalizim të marrëdhënieve me Serbinë e nuk flasin për njohjen e Kosovës shtet. Çështja e dinarit është vetëm një segment i vogël i kësaj adoleshence nevrike politike, e cila në mungesë të maturimit politik na ka degraduar deri aty sa tash sa kohë jemi nën sanksione nga ata me të cilët kemi bërë rrugëtimin më të suksesshëm në historinë tonë”, pohoi ai.
Abdullahu theksoi se zgjedhjet janë zgjidhja, duke shtuar “Sa më parë aq më mirë për të gjithë e sidomos për kualitetin e jetës së qytetarëve e cili po degradon pandalshëm dhe gjithanshëm”.
Ndryshe, për dinarin është zhvilluar edhe më herët një takim në Bruksel. Në takim kishin marrë pjesë ekspertë financiare të Kosovës dhe Serbisë, takimi ishte mbajtur nën ndërmjetësimin e emisarit evropian për dialogun, Mirosllav Lajçak.
Gjatë këtij takimi, delegacioni i BQK-së ka informuar dhe paraqitur argumentet lidhur me Rregulloren për Operacione me Para të Gatshme.
Sot për këtë temë u deklarua edhe presidentja e vendit, Vjosa Osmani, e cila tha se ka pajtueshmëri për një pjesë të propozimit të emisarit amerikan Gabriel Escobar për dinarin.
Gjithashtu, ajo theksoi që shpreson që në Bruksel të arrihet pajtueshmëri për këtë çështje./Telegrafi/
Promo
Reklamo këtuLufta Prigozhin - Putin
Më shumëNga Rubrika
Ekstradohet në Maqedoninë e Veriut, Besim Krasniqi
Moment i veçantë nga samiti rajonal në Mal të Zi, Rama i mat kohën Vuçiqit gjatë fjalimit: Gjithmonë flet më shumë se të tjerët
Apeli ndryshon aktvendimin e Themelores, e kthen Enver Sekiraqën në paraburgim
Kosova mbetet jashtë Këshillit të Evropës, nuk hyn në agjendën e Komitetit të Ministrave
Anëtarësimi i Kosovës në KiE, Vuçiq thotë se lobi i Knausit dhe britanikët po përpiqen të bëjnë "një truk” tjetër
Ministri francez: Çështja e Kosovës mund të shkaktojë përçarje në KiE
Gjermania: Kosova të dërgojë në Kushtetuese draftin e Lajçakut
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Escobar: Është dashur të insistojmë më shumë në zbatimin e Asociacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë