Ish-legjenda e Real Madridit reagon ashpër ndaj gjyqtarit: Gjithmonë të njëjtit kundër nesh

Ndeshja e djeshme mes Valencias dhe Real Madridit shkaktoi polemika të mëdha, ndërsa vendimi i gjyqtarit Gil Manzano për të mos pranuar golin e Jude Bellingham u komentua gjerësisht nga figura të ndryshme të futbollit.

E njëri ndër personat që reagoi menjëherë pas ndeshjes ishte edhe legjenda e Real Madridit, Marcelo, i cili përmes rrjeteve sociale, ai e zbuloi nervozizmin e tij me mënyrën se si përfundoi ky duel.

Në një postim të Real Madridit në llogarinë e tyre zyrtare në rrjetin social Instagram, Marcelo la një koment.

“Gjithmonë të njëjtit kundër nesh”, ishte reagimi i Marcelos mbi rastin që u bë temë kryesore e futbollit në Spanjë.

📲 Marcelo on IG. pic.twitter.com/okfnrLbraL

— Madrid Xtra (@MadridXtra) March 3, 2024

Mirëpo Marcelo nuk ishte i vetmi që reagoi për atë që po cilësohet si ‘vendim skandaloz’ i gjyqtarit të ndeshjes, pasi edhe yjet si Vinicius Jr, Aurelien Tchouameni dhe Brahim Diaz shprehën indinjatën e tyre pas ndeshjes.

Lexo po ashtu Dalin fjalët nga raporti i gjyqtarit pas ndeshjes për përjashtimin e Bellingham, zbulohet se sa do t'i mungoj anglezi Realit

“Ne nuk fituam, sepse ata nuk na lanë”, ishin fjalët e Vinicius, ndërsa mesfushori Aurelien Tchouameni e cilësoi si ‘të turpshëm’ incidentin që kishte ndodhur./Telegrafi/

🗣️ Vinícius Jr: "No hemos ganado, porque no nos han dejado."

CHAPÓ @vinijr 👏👏👏👏👏👏pic.twitter.com/DT9BeNcU66

— REAL MADRID FANS 🤍 (@AdriRM33) March 2, 2024