Grupi parlamentar i Partisë Demokratike të Kosovës nuk do të përkrah Projekt-buxhetin e vitit 2024 pasi nuk sjellë asnjë alternativë zhvillimore dhe nuk është buxhet i mirëqenies së qytetarëve.
Kështu tha deputeti Mërgim Lushtaku në emër të Grupit parlamentar të PDK-së, në seancën e Kuvendit të Kosovës ku po diskutohet buxheti për vitin e ardhshëm.
“Projektligji për buxhetin e vitit 2024 nuk paraqet kërkesat dhe pritshmëritë e qytetarëve, të bizneseve dhe organizatave buxhetore…. Si grup parlamentar nuk do të përkrahim projektbuxhetin e vitit 2024, jemi kundër këtij buxheti që nuk sjell asnjë alternativë zhvillimore dhe nuk është buxhet i mirëqenies së qytetarëve”, tha Lushtaku, raporton Telegrafi.
Deputeti i PDK-së tha më tej se “në fushatat zgjedhore kryeministri i vendit duke u munduar me trash e çjerr zërin ka premtuar se do ta forcojë ekonominë e vendit…. të gjitha manipulimet është vështirë me ia mbajt mend…”.
“Besimin e qytetarëve e kanë marr si privilegj…vetëbesimin e lartë e dijen e implementimin e ultë…”, tha ai.
Sipas tij, buxheti shtetëror nuk është shaka dhe nëse nuk hartohet si duhet mund ta përkeqësojë gjendjen.
“Nuk ka kurrfarë sensi të shpenzohet buxheti i shtetit për ndihma ndërkohë që ka nevojë për punësim dhe nuk ka as rroga për të përballur inflacionin”, tha ndër të tjera Lushtaku.
Ai më tej kritikoi Qeverinë e Kosovës se buxhetin shtetëror e kanë shpërndarë në ato komuna ku e kanë pushtetin. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251