Kuvendi i Kosovës ka shkarkuar Bordin e Komisionit të Pavarur për Miniera dhe Minerale.
Deputetët votuan fillimisht për shkarkimin e kryesueses së këtij Bordi, e pastaj për anëtarët.
“Konstatoj se Kuvendi ka shkarkuar kryesuesen Selvete Grajqevci-Pllana, 63 morën pjesë, 60 për, 3 abstenuan. Kuvendi shkarkon Gani Kastratin si anëtar te bordit me 64 vota, 60 për, 3 abstenuan, asnjë kundër. Kuvendi e shkarkoi Gani Maliqin me 60 vota për dhe 4 abstenime. Kuvendi shkarkoi edhe Rrezarta Pushkolli – Makolli me 61 vota për, kundër asnjë dhe 3 abstenime”, ka thënë kryeparlamentari Glauk Konjufca.
Në këtë votim nuk morën pjesë deputetët e tri partive opozitare PDK, LDK e AAK.
Deputeti i Lëvizjes Vetëvendosje, Armend Muja tha se ka kanë konstatuar që në vazhdimësi, janë licencuar kompani që nuk kanë kryer detyrimet ndaj KPMM-së dhe po ashtu janë proceduar penalisht për shkelje të ligjit.
“Komisioni ka nxjerrë rekomandim që të shkarkohet anëtari i bordit Gani Maliqi, për arsye sepse është konstatuar që gjatë ushtrimit të detyrës ka pasur shkelje të neneve 59 dhe 60 dhe 62 të Ligjit për Komisione të Pavarur për Miniera dhe Minerale dhe qëllimisht apo nga pakujdesia ka shkelur dispozitat e nenit 60 të Ligjit për Komisione të Pavarura për Miniera dhe Minerale. Me datën 25.08.2021, auditori i brendshëm i KPMM-së ka konstatuar është shkelur udhëzimi administrativ 01 2011 për rregullt dhe procedurat e përllogaritjes së rendës minerale në rastin e kompanisë “Ferronikeli”, tha Muja.
Edhe për anëtarët tjerë të këtij bordi, Muja theksoi se rekomandohet shkarkimi, meqë siç tha ai, kanë shkelur ligjin e KPMM-së, shkruan Telegrafi
Deputeti i Partisë Demokratike të Kosovës, Ferat Shala ka thënë se minatorët tash e tri ditë janë në grevë për shkak të kushteve të rënda, ndërsa për këtë gjendje ka fajësuar Qeverinë e Kosovës për të cilën ka thënë se “i ka mashtruar keq”.
“Në Minierën e Trepçës po vazhdon sot dita e tretë e grevës. Minatorët në thellësi prej 700-800 metra sot kanë kërkesa elementare sociale, ekonomike e menaxheriale. Kanë kërkesë që të kenë siguri në punë, t’i gëzojnë pagat e meritueshme, të ndryshojnë një menaxhment joligjor dhe jofunksional. Të gjitha kërkesat e minatorëve i mbështesim sepse janë legjitime. I bëj thirrje Qeverisë që të reflektojë sepse situatën e kemi në përkeqësim të skajshëm”, është shprehur Shala para deputetëve.
Deputeti i LDK-së, Armend Zemaj ka thënë se tendenca për të kapur gjithçka po e dëmton bazën kushtetuese dhe esencën e institucioneve dhe agjensive të pavarura që duhet të funksionojnë në Republikën e Kosovës.
“Ndoshta këta është dashur të shkarkohen kur i ndanë 9 milionë euro për Ferronikelin, por para se të shkarkohen duhet të japin përgjigje se kush ju tha që ti ndajnë këto mjete”, tha Zemaj.
Shefi i Grupit Parlamentar të AAK-së, Besnik Tahiri, ka thënë se veprimin për shkarkim e sheh si hakmarrje të pushtetit.
“Është po ky bord që ka pasur një lëvdatë publike për këta persona që sot janë para kuvendit për shkarkim. Pyetja për kolegët në LVV është çka ka ndryshu? Pushteti, kjo Qeveri ka ardhur me një premtim te madh që do të depolitizojë, dhe sot vijnë me një kërkesë për shkarkim me arsyen e vetme që nuk kanë arritur me i përmbush kërkesat e juaja. Dilni të tregoni që nuk kanë qenë të përshtatshëm për Qeverinë dhe jo t’i vëni etiketë”, ka thënë Tahiri.
Ai ka shtuar se e sheh këtë veprim si hakmarrje.
“Sot derisa ne po flasim është duke vazhduar një grevë e cila nuk ka asnjë trajtim serioz nga Ministria përkatëse, Qeveria e edhe ne si Kuvend. Po flasim për një ndërmarrje që ndoshta është burimi kryesor për mbijetesë i asaj pjese”, ka deklaruar Tahiri. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Përfundon periudha transitore për dinarin, analistët nuk presin zhvillime pozitive nga takimi i javës së ardhshme
Regjistrimi i popullsisë, familja Jashari përfundon procesin nga stafi i ASK-së
Qytetarët reagojnë për shtrenjtimin e bukës deri në 60 centë, ja sa u rrit në dekadën e fundit
Bëhu banor i kompleksit luksoz bregdetar “Holiday In 2” - Shëngjin
Për herë të parë në Kosovë vjen "Peja Outdoor Tourism Festival"
Ndrroje kerrin e vogël me Dacia Duster të ri për rrugë të gjata - Auto Mita
Regjistrimi i popullsisë, familja Jashari përfundon procesin nga stafi i ASK-së
Përfundon periudha transitore: Nga sot, euro valuta e vetme për transaksione në Kosovë
Qytetarët reagojnë për shtrenjtimin e bukës deri në 60 centë, ja sa u rrit në dekadën e fundit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron