Alarm shëndetësor për miliona njerëz me presion të lartë të gjakut mbi rrezikun e shtuar të komplikimeve
Të kesh presion të lartë të gjakut kur jeni shtrirë në shpinë, mund të nënkuptojë se jeni në rrezik më të madh për sulm në zemër ose goditje në tru, tregon një studim.
Studiuesit amerikanë thanë se rreth 16 për qind e njerëzve që nuk kishin presion të lartë të gjakut derisa ishin ulur, u zbulua se u rritej shtypja kur qëndronin shtrirë.
Ata ishin në rrezik më të madh nga dy ndërlikimet vrasëse (sulmi në zemër dhe goditja në tru), si dhe nga pamjaftueshmëria i zemrës dhe shanset e përgjithshme për vdekje të parakohshme.
“Nëse presioni i gjakut matet vetëm kur njerëzit qëndrojnë ulur drejt, rreziku i sëmundjeve kardiovaskulare mund të huqet nëse nuk matet edhe kur ata janë të shtrirë në shpinë”.
“Gjetjet tona sugjerojnë se njerëzit me faktorë rreziku të njohur për sëmundjet e zemrës dhe goditjet në tru mund të përfitojnë nga kontrolli i presionit të gjakut teksa janë shtrirë në shpinë”, ka sqaruar autori kryesor Duc Giao nga Shkolla Mjekësore e Harvardit.
Konsiderohet se keni presion të lartë të gjakut – i njohur mjekësisht si hipertension – nëse është 140/90 mmHg dhe më lartë.
Shtypja e lartë e gjakut prek rreth një në tre persona dhe mund ta rritë rrezikun e sëmundjeve të zemrës, sulmeve në zemër dhe goditjes në tru, si dhe aneurizmave, sëmundjeve të veshkave dhe demencës.
Hulumtimi më i fundit, i prezantuar në Sesionet Shkencore të Hipertensionit të Shoqatës Amerikane të Zemrës 2023 në Boston, shqyrtoi se si ndikonte presioni i gjakut kur qëndroni ulur ose kur jeni shtrirë.
“Përpjekjet për të menaxhuar presionin e gjakut gjatë jetës së përditshme mund të ndihmojnë në uljen e presionit të gjakut gjatë gjumit. Kërkimet e ardhshme duhet të krahasojnë matjet e presionit të gjakut në shpinë në klinikë me matjet gjatë natës”, është shprehur autori kryesor i studimit. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër