Regjisori Paul Schrader me lëvdata për “Oppenheimer”: Është filmi më i mirë dhe më i rëndësishëm i këtij shekulli

Filmi i Christopher Nolan, “Oppenheimer”, ka marrë një sërë vlerësimesh pozitive, ndërsa tani ka marrë lëvdata të mëdha edhe nga skenaristi i “Taxi Driver” dhe regjisori i “The Card Counter”, Paul Schrader.

Schrader mori pjesë në premierën në New York të filmit të Nolanit për bombën atomike dhe reagoi në rrjetet sociale për ta quajtur atë “filmi më i mirë dhe më i rëndësishëm i këtij shekulli”.

“Nëse e shikoni një film në kinema këtë vit, ai do të duhej të ishte ‘Oppenheimer’. Unë nuk jam fans i Nolanit, por ky film i shpërtheu dyert”, ka shtuar ai në një postim në rrjetet sociale.

Schrader on Oppenheimer. pic.twitter.com/oMnTLATy6c

— The Film Stage 📽 (@TheFilmStage) July 18, 2023

“Oppenheimer” – i bazuar në librin e vitit 2005, “American Prometheus”, nga Kai Bird dhe Martin J. Sherëin – ndjek krijimin e bombës atomike gjatë Luftës së Dytë Botërore përmes syve të fizikanit teorik dhe udhëheqësit të projektit Manhattan, Robert Oppenheimer.

Cillian Murphy luan rolin kryesor, ndërsa luajnë gjithashtu edhe Matt Damon, Leslie Groves Jr., Robert Downey Jr., Emily Blunt, Florence Pugh e Benny Safdie. /Telegrafi/