MrBeast është personi i parë që arrin 1 milion ndjekës në ‘Threads’ – pak orë pas lansimit të aplikacionit

Aplikacioni krejt i ri i mediave sociale ‘Threads’ – një mjet bisedash i bazuar në tekst për të rivalizuar Twitter-in – doli “në përdorim” më 5 korrik.

Dhe YouTuber-it, emri i vërtetë i të cilit është Jimmy Donaldson, iu deshën vetëm disa orë për të “mbledhur rreth tij” 1 milion ndjekës – ndonëse teknikisht nuk ishte llogaria e parë që arriti këtë numër, të tjerët i përkisnin organizatave si Instagram dhe National Geographic, përcjell Telegrafi.

Lexo po ashtu Aty ku jeni ju, jemi edhe ne – portalin Telegrafi mund ta ndiqni edhe përmes ‘Threads’

Ndryshe, postimet në këtë rrjet social janë të kufizuara në një maksimum prej 500 karakteresh.

Për t’i bërë gjërat më të lehta për përdoruesit e rinj, njerëzit mund të identifikohen përmes Instagramit, të importojnë fotografitë e profilit dhe biografitë e tyre nga aplikacioni i ndarjes së fotove dhe madje të ndjekin të gjithë ata që ndjekin tashmë në Instagram me një klik të një butoni.

Lexo po ashtu Aplikacioni Threads i Meta-s i disponueshëm edhe në Kosovë, ja si mund të regjistroheni

Zuckerberg, i cili ishte personi i dytë që arriti 1 milion ndjekës të Threads, shkroi në një postim: “Qëllimi është ta mbajmë atë miqësor ndërsa zgjerohet. Mendoj se është e mundur dhe në fund do të jetë çelësi i suksesit të tij.

MrBeast, i cili vlerësohet si pionier i një zhanri videosh në YouTube që përqendrohen në marifete dhe sfida të shtrenjta, ka shumë ndjekës në të gjitha kanalet e tij të mediave sociale – 38.5 milionë njerëz e ndjekin atë në Instagram dhe ai ka 165 milionë abonentë në YouTube. /Telegrafi/