Lloga: Nevojitet konsensus u gjerë për rrugën e reformave evropiane

“Nevojitet një konsensus i gjerë për rrugën e reformave evropiane në mes të gjitha partive politike, si dhe nga qeveria edhe nga opozita”. Kjo u tha në takimin e sotëm të ministrit të Drejtësisë, Krenar Lloga, me ambasadoren e Kroacisë, Nives Tiganj. Nga kabineti i ministrit Lloga, thonë se gjithashtu është thënë se ky është një proces i pakthyeshëm që nuk ka alternativë.

“Forumi për dialog i Prespës, i cili do të mbahet më 15 dhe 16 qershor në Strugë dhe në të cilit do të marrin pjesë funksionarë të lartë ndërkombëtarë, në mes të të cilëve edhe presidenti i Kroacisë dhe ministri i punëve të jashtme, do të jetë një bazë e mirë për thellimin e bashkëpunimit të ndërsjellë, fuqizimin e partneriteteve strategjike, perspektivën evropiane dhe euroatlantike të rajonit”.

“Lloga dhe Tiganj diskutuan edhe për sfidat me të cilat përballen kompanitë nga Kroacia që investojnë në vendin tonë dhe krijimin e vendeve të reja të punës. Bashkëpunimi bilateral do të intensifikohet duke iniciuar përpjekje të përbashkëta për realizimin e projekteve përmes të cilave do të barten njohuritë dhe aftësitë për praktikat evropiane”, thuhet në njoftim./Telegrafi/