Liam Payne dhe Kate Cassidy rikthehen sërish bashkë

Liam Payne dhe Kate Cassidy konfirmuan se janë rikthyer sërish bashkë, ndërsa u shfaqën dorë për dore në festën e përvjetorit të 60-të të Annabel.

Dyshja dukeshin mjaft të lumtur në paraqitjen e tyre të enjten në Londër.

Liam, 29 vjeç, u pa duke vënë dorën në shpinën e Kate, teksa po largoheshin nga vendi i mbushur me yje.

Ish- ylli i “One Direction”, 29 vjeç, kishte veshur një kostum të zi me vija të bardha të cilin e kombinoi me një kravatë të zezë dhe këmishë të bardhë.

Lexo po ashtu Të gjitha lajmet nga Liam Payne

Kate, 24 vjeçe, dukej elegante me një jelek të bardhë dhe me një fund të ngjashëm.

Dukjen e kompletoi me një palë këpucë me ataka argjendi dhe një çantë të tillë.

Çifti jetuan së bashku në shtëpinë e tij në Londër, por pretendohej se Kate ishte shpërngulur dhe ishte kthyer në shtëpinë e saj në Shtetet e Bashkuara.

Liam dhe Katie dolën publike me romancën e tyre në tetor dhe bënë debutimin në tapetin e kuq si çift në “British Fashion Awards” pak para Krishtlindjeve.

Marrëdhënia e Payne me Cassidy erdhi pas lidhjeve të tij të mëparshme me Cheryl dhe Maya Henry.

Liam ishte fejuar me Mayan dhe shijuan një romancë dy-vjeçare para se të ndaheshin përgjithmonë në maj 2022.

Këngëtari ndan djalin gjashtëvjeçar, Bear, me ish të dashurën Cheryl, me të cilën u takua për dy vjet e gjysmë deri në korrik 2018. /Telegrafi/