Shefi i Misionit të OSBE-së në Kosovë, Michael Davenport, ka thënë se pa pjesëmarrjen e serbëve të Kosovës në institucione si policia, gjyqësori, administrata komunale etj., nuk do të kthehet ndjenja e normalitetit në jetën e përditshme.
“Siç kemi dëgjuar nga BE-ja dhe faktorë të tjerë, duhet të ketë zgjedhje gjithëpërfshirëse në mënyrë që kryetarët e komunave në veri të kenë legjitimitetin e nevojshëm. Sigurisht që edhe misioni ynë është i gatshëm të ndihmojë në këtë drejtim”, ka thënë Davenport për RTK2.
Ai tutje ka thënë se situata në veri është shumë e tensionuar.
“Edhe pse zgjedhjet janë zhvilluar në përputhje me legjislacionin, situata nuk është e qëndrueshme për kryetarët e zgjedhur nga një numër shumë i vogël votuesish. Nga ana tjetër, çdo dhunë është krejtësisht e papranueshme”.
“Fatkeqësisht, pati përplasje dhe sulme në të cilat u plagosën policë, përfaqësues të misioneve ndërkombëtare dhe gazetarë, në disa raste rëndë. Para së gjithash, duhet të ketë një qetësim të tensioneve dhe një shtensionim të situatës. Siç e kam thënë në disa raste, pa pjesëmarrjen e serbëve të Kosovës në institucione si policia, gjyqësori, administrata komunale etj., nuk do të kthehet ndjenja e normalitetit në jetën e përditshme”, ka shtuar Davenport.
Duke folur për dialogun Kosovë – Serbi, ai ka thënë se Misioni i OSBE-së e përkrah këtë proces dhe ka qenë gjithashtu edhe i angazhuar aktivisht në aktivitete dhe projekte të ndryshme për zbatimin e asaj që është rënë dakord në dialog.
Davenport ka thënë se formimi i Asociacionit është një nga obligimet e shumta në kuadër të Marrëveshjes së Brukselit nga viti 2013, si dhe në përputhje me marrëveshjet e reja të shkurtit dhe marsit të këtij viti.
“Duhet të gjendet një zgjidhje kompromisi që i përgjigjet të gjitha sfidave që kanë të bëjnë me këtë temë shumë komplekse, por edhe të gjitha detyrimet e tjera duhet të zbatohen në përputhje me të gjitha marrëveshjet e arritura në dialog”, ka vijuar tutje Davenport.
Ai është shprehur optimist se procesi i dialogut Kosovë – Serbi do të përfundojë brenda këtij viti. “Sigurisht që shpresoj, mendoj se të gjithë e kemi këtë shpresë, por mbi të gjitha varet nga angazhimi i Kosovës dhe Serbisë në lidhje me zbatimin e gjithçkaje që është rënë dakord. Më duhet të shtoj se duhet të ketë një marrëveshje gjithëpërfshirëse ligjërisht të detyrueshme, e që lidhet edhe me proceset e anëtarësimit në BE”, është shprehur shefi i Misionit të OSBE-së.
Promo
Reklamo këtuLufta Prigozhin - Putin
Më shumëZëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”
Tragjedia në Shkodër, vijon edhe gjatë natës kërkimi në lumin Bunë për nënën dhe dy fëmijët
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci
Kosova në Këshillin e Evropës, me apo pa kushte?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak