Rasti “Monstra”, më 10 maj sërish në Gjykatën Supreme

Edhe pas 11 viteve nga vrasja e pesfishtë në afërsi të Liqenit të Smillkovcës, gjykimet dhe rigjykimet në 3 instancat gjyqësore që rezultuan me dënime të përjetshme, rikualifikime, dy lirime nga akuza, por rasti akoma nuk po merr epilog përfundimtar.

Rasti “Monstra” aktualisht për herë të dytë gjendet në Gjykatën Supreme, ndërsa më 10 maj është caktuar seancë publike për 3 të akuzuarit me burg të përjtshëm Agim Ismailoviq, Afrim Ismailoviq dhe Alil Demiri.

Pritjet e avokati mbrojtës Naser Raufi janë që rasti të kthehet në rigjykim, edhe pse gjithmonë ekzistojnë mundësitë për t’u befasuar me vendim të prerë.

“U argumentua që ky rast prej fillimi ka qenë i montuar dhe mendoj që Gjykata Supreme që një herë u prononcua, tani do ta sjellë vendimin e njejtë, do ta rikthej me urdhër sikur herën e parë këtë rast… Gjykata supreme e ka edhe më lehtë që të lirohen këto pasi që edhe në vet vendimin e vet e ka shkruajtur, them taksativisht “këto nuk janë personat që e kanë bërë këtë krim dhe konstatojmë që nuk ka argument për t’i dënuar. Në këtë gjyqësor, në të cilin kanë besim 4 % e qytetarëve dihet se mund edhe të na befasojë që të vërtetohet vendimi dhe atëherë do të ishim të detyruar që drejtësinë ta kërkojmë në Gjykatën për të Drejta të Njeriut në Strazburg.” – tha Avokati mbrojtës, Naser Raufi.

Raufi, rikujtoi se Prokuroria nuk ka ofruar asnjë argument për të mbrojtur aktakuzën dhe dëshmuar fajsinë.

Dëshmitë e Prokurorisë kanë qenë të montuara ndërsa ajo u dëshmua edhe me dëshmitarin e mbrojtur por, edhe gjatë deklarimit të ekpertes për gjurmët e dheut, e cila pranoi se mban në dorë rezultate, analizat e të cilave nuk i ka realizuar.

Për dy të akuzuarit e tjerë Haki Aziri dhe Fejzi Aziri vendimi i gjykatës së Apelit është i plotfuqishëm, ndërkohë që me mjet juridik të çrregullt procedura edhe për këta dy të akuzuar ndodhet në Gjykatën Supreme. /TVM2