Dhjetë automjetet më të gjata të ndërtuara ndonjëherë

Në botën e automobilizmit disa njerëz jetojnë sipas besimet se mjetet e mëdha janë më të mira, dhe disa nga këto automjete me të vërtetë e përmbushin këtë.

Prodhuesit e makinave iu pëlqen të mburren me madhësinë e makinave të tyre, transmeton Telegrafi.

Dhe derisa makinat mund të bëhen më të mëdha në botën moderne, është e drejtë të thuhet në të kaluarën, firmat e makinave nuk kanë qenë kurrë të turpshme të rrezikojnë kur bëhet fjalë për gjatësinë e automjeteve të tyre.

Revista javore e automobilizmit Autocar e kufizoi listën e saj në çdo automjet që mund të blihet për përdorim jo komercial nga publiku.

Në listën e mëposhtme janë 10 prej automjeteve më të gjata të ndërtuara ndonjëherë.

10 – Maybach 62

Maybach 62 S u prezantua në vitin 2006 si makina e katërt në gamën e Maybach.

Me gjatësi 6.1 metër Maybach 62 ofron shumë hapësirë me një interior 2.6 metra.

9 – Nissan Titan

Nissan Titan është një kamionçinë me përmasa të plota i prodhuar në SHBA që nga viti 2003 – me versionin më të gjatë të ndërtuar që është XD Crew Cab PRO-4X specifike për terren të ashpër me 6.20 metra.

8 – Cadillac Fleetwood Seventy-Five

Ky automjet i madh nga Cadillac ishte projektuar për të pasur luks, kështu që ndoshta nuk ishte befasi që Fleetwood Seventy-Five kishte një gjatësi prej mbi 6.4 metrave.

7 – Toyota Tundra

Modeli Tundra nga Toyota është ndoshta automjeti më i gjatë që ofron kompania japoneze.

Modelet e tij SR dhe SR5 vijnë me një kabinë të dyfishtë dhe një shtrat ngarkese 2.4 metra të gjatë që e çojnë automjetin në gjatësi prej 6.41 metra.

6 – Mercedes-Maybach Pullman

Kjo makinë ishte rezultat i vendimit të Mercedesit për të ringjallur markën Maybach në vitin 2014.

Me një gjatësi prej 6.49 metrave, Pullman është më i gjatë se disa kamionçinë amerikanë.

5 – Ram Heavy Duty

Ram Heavy Duty është automjeti më i madh që marka ka bërë ndonjëherë për klientët jo-komercialë me modelet e tij 2500 dhe 3500 që vijnë në një gjatësi marramendëse prej 6.62 metra.

4 – Chevrolet Silverado HD

Me një gjatësi rreth 6.75 metrave, Chevrolet Silverado HD gjithashtu hyn në rangun e kësaj liste për gjatësinë e makinave.

3 – GMC Sierra HD

Ky përbindësh, GMC Sierra HD është 6.757 metra dhe renditet në vendin e tretë si vetura më e gjatë.

2 – Ford S-Series Super Duty

Me një gjatësi prej 6.76 metrave, Ford F-Series Super Duty, renditet në vendin e dytë si makina më e gjatë e prodhuar.

Ky është automjeti më i gjatë amerikan që mund të blini në mënyrë jokomerciale.

1 – Volkswagen Grand California 680 

Me një gjatësi të madhe prej 6.8 metrave, Volkswagen Grand California 680, renditet në vendin e parë si makina më e gjatë e prodhuar.

Me këtë automjet gjermanët i kanë vënë në turp amerikanët dhe kamionët e tyre me këtë ofertë.

Ndonëse mund të duket si një veturë me RV, vetura i plotëson rregullat për t’u përfshirë në këtë listë, sepse është një automjet jo-tregtar.

Padyshim që bazohet në një furgon dhe kështu mbetet të vendoset në listën e makinave të gjata. /Telegrafi/