Këtë të shtunë Anthony Joshua rikthehet në ring, në rast se humbë – paralajmëron pensionimin
Anthony Joshua ka vendosur synimet e tij për t’u bërë kampion bote në peshën e rëndë përsëri ‘brenda 16 muajve të ardhshëm’ përpara përballjes me Jermaine Franklin këtë fundjavë.
AJ do të përballet me Franklin në O2 Arena të shtunën mbrëma në meçin e tij të parë që nga humbja e revanshit të vitit të kaluar nga Oleksandr Usyk.
Pasi pësoi humbje të njëpasnjëshme për herë të parë në karrierën e tij, shumë veta dyshuan nëse një Joshua i demoralizuar do të ishte i përgatitur të kthehej në ring.
Megjithatë, të shtunën mbrëma ai fillon atë rrugë të gjatë dhe sfiduese për t’u kthyer në krye të peshave të rënda, derisa foli edhe për pensionimin e tij të mundshëm.
“Ka qenë një rrugëtim i gjatë”, deklaroi ai për mbretërimin e tij të mëparshëm si kampion. “Gjëja është se unë dua respekt nga njerëzit në industrinë që i admiroj, ish-legjendat në lojë dhe kur nuk je më kampion, ndihesh sikur kjo shkon larg”.
“Pra, kjo ishte padyshim diçka për të cilën kisha mall, është respekti nga ish-kampionët dhe kur e humba, ishte sikur ‘dreq, e kam humbur atë pathyeshmëri’, por gjithçka është mirë”.
“Ne ecim përpara. Nuk po e bëj më për atë qëllim sepse nuk jam në atë pozicion, por dëshira? Njëra është patjetër të bëhesh kampion, gjë që mendoj se është e mundur brenda 16 muajve të ardhshëm”.
“Mendoj se duhet të shohim se çfarë do të ndodhë këtë vit me rripat. Lërini të garojnë për ta dhe më pas le të ngrihen në ajër dhe pastaj do të shohim se ku do të shkojnë rripat. Pastaj thjesht qëndroni konsistent, qëndroni të fokusuar në përmirësimin për këta 12 deri në 16 muajt e ardhshëm, ndërsa unë jam në garë për titull”, ka shtuar më tej ai.
Siç qëndrojnë gjërat, Usyk ende mban tre nga katër titujt e njohur të peshave të rënda, me Tyson Furyn që ka nën zotërim titullin WBC.
Pasi Usyk dhe Fury nuk arritën një marrëveshje për një luftë të propozuar të padiskutueshme në prill, promovuesi i Joshuas, Eddie Hearn i tha Sportsmail javën e kaluar se nëse njeriu i tij do të fitojë ndaj Franklin këtë fundjavë, ndërsa më pas do të shkojë për Furyn dhe titullin e tij.
Duke folur për synimin e tij për t’u bërë tre herë kampion bote, 33-vjeçari tha: “Ky rrugëtim është si, për çfarë mund të vazhdojë? Tre, katër vjet?”.
“Nëse do të bëja një tjetër rrugëtim pas kësaj, ju po flisni për të luftuar në të dyzetat e mia dhe unë vërtet besoj se boksi është një sport për të rinjtë”.
“Duhet një personazh i vërtetë solid si Bernard Hopkins, (George) Foreman, Klitschko, Povetkin për të vazhduar në të dyzetat, por unë mendoj se ky është një rrugëtim që dua ta bëj të suksesshëm dhe më pas, ju e dini, shpresoj të pensionohem”, ka shtuar më tej AJ.
Por, nëse Joshua nuk do të arrij të mposhtë të shtunën Frnaklin, ai mund të pensionohet nga boksi, pasi e di që shanset e tij për titull janë tejet të vogla. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Vëllain e Kylian Mbappes e pyesin tifozët “a do transferohesh te Real Madridi?” – francezi i talentuar i lë të shtangur
Tyson Fury i bëri një premtim befasues Oleksandr Usykut me të përfunduar dueli
Mbyllet dueli i tetë golave në mes të Real Madridit dhe Villarrealit – Sorloth ishte i pandalshëm
Arda Guler nuk ndalet me gola të bukur te Real Madridi
Usyk dyshohet se ka thyer rregullat e boksit mes raundit 6-7 në duelin "e shekullit" me Furyn
Tyson Fury thumboi babain dhe trajnerin e tij për humbjen nga Oleksndr Usyk
Kush kishte më shumë goditje mes Furyt dhe Usyk - dalin rezultatet zyrtare
Pep Guardiola merr vendimin përfundimtar për të ardhmen e tij tek Man City
Moises Caicedo ka shënuar ndoshta golin më të bukur të këtij sezoni
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare