Gjashtë policë të lënduar, tetë arrestime – drejtori i Eintrachtit thotë se tifozët e Napolit e sulmuan policinë

Anëtari i bordit të Eintracht Frankfurtit, Philipp Reschke, ka thënë se incidentet në Napoli e kanë dëmtuar klubin dhe futbollin, por thekson se ultrasit e skuadrës nikoqire e kanë sulmuar policinë.

Të mërkurën u shfaqën skena dhune në rrugët e qytetit italian kur tifozët u përleshën me policinë duke hedhur objekte, përfshirë edhe fishekzjarrë dhe shishe, drejt policisë, ndërsa disa automjeteve iu vu flaka.

Mediat italiane raportuan se ishin tifozët e Eintrachtit të ndihmuar nga ata të Atalantas që ishin përfshirë në incidentet e dhunës me policinë dhe me tifozët vendas.

Tifozët e lindur ose banorë të Frankfurtit nuk kanë pasur të drejtë të jenë në stadiumin ‘Diego Armando Maradona’, porse ultrasit rivalë të Napolit ishin përpjekur t’i ndihmonin për të hyrë në stadium.

Autentici delinquenti!!! Non hanno nulla a che vedere con lo sport 😡 #Eintracht #Tifosi #UltrasEintracht #NapoliEintracht #Napoli 💢 la cronaca degli scontri nei tg e sul sito @TgrRai @TgrRaiCampania pic.twitter.com/GhWeaj255L

— Antonello Perillo (@anperillo) March 15, 2023

Në anën tjetër, anëtari i bordit i klubit gjerman, Reschke, derisa ka shprehur keqardhje për incidentet e dhunshme, ka dhënë versionin e tij duke i fajësuar ultrasit e klubit nikoqir ta kenë sulmuar policinë.

“Na vjen shumë keq për incidentet që kanë ndodhur këtu. Nuk ka absolutisht asgjë për ta justifikuar këtë dhunë. Të gjithë ne mund ta kemi pasur frikë, por është dhe do të mbetet e papranueshme. Dëmton futbollin, dëmton Eintracht Frankfurtin dhe dëmton përpjekjet tona për të mbrojtur të drejtat e të gjithë tifozëve që do të donin të shihnin një lojë futbolli këtu pa represion dhe dekrete në stadium”.

“Policia na ka konfirmuar se sulmi pasditen e të mërkurës në qytet është kryer nga ultrasit e Napolit. Por, edhe kjo nuk e justifikon potencialin për dhunë që shpërtheu më pas nga të dyja palët”, është shprehur ai për Bild.

Piazza del Gesù devastata. Live Napoli SPORTITALIA @tvdellosport 🇩🇪 @BILD #bestie pic.twitter.com/eUyCCBZz7d

— Michele Criscitiello (@MCriscitiello) March 15, 2023

Shefi i Policisë së Napolit njoftoi të enjten se gjashtë policë kanë pësuar lëndime gjatë përleshjeve mes tifozëve, ndërsa edhe një veture të policisë i është vënë flaka.

Tetë arrestime u bënë mbrëmë – pesë tifozë të Napolit dhe tre tifozë të Eintracht Frankfurtit. Autoritetet tani po punojnë për identifikimin e të gjithë mbështetësve gjermanë që morën pjesë në dhunë dhe gjithsej 470 janë identifikuar deri më tani.

Ndryshe, Napoli shkroi historinë duke u kualifikuar për herë të parë në çerekfinale të Ligës së Kampionëve. /Telegrafi/

𝗦𝗖𝗢𝗡𝗧𝗥𝗜 𝗘 𝗚𝗨𝗘𝗥𝗥𝗜𝗚𝗟𝗜𝗔 𝗔 𝗡𝗔𝗣𝗢𝗟𝗜‼️🔥

Le immagini che arrivano live da piazza del Gesù a Napoli.

Gli ultras tedeschi stanno danneggiato diversi mezzi delle forze dell'ordine. La tensione resta altissima in attesa del calcio d'inizio.#Napoli #Sportitalia pic.twitter.com/3S9v7rosbC

— Sportitalia (@tvdellosport) March 15, 2023