I dërguari i Bashkimit Evropian për dialogun Kosovë-Serbi, Miroslav Lajçak gjatë të martës theksoi se Asociacioni i komunave me shumicë serbe në Kosovë duhet të formohet.
Madje Lajçak ka nënvizuar se “nëse nuk ka Asociacion, nuk ka as marrëveshje”.
Lidhur me këtë deklaratë të emisarit të BE-së, shefi i Grupit Parlamentar të AAK-së, Besnik Tahiri ka thënë se Kosova duhet të sillet si shtet serioz.
Në një prononcim për Telegrafin, Tahiri ka shtuar se çështjet e hapura duhet të zgjidhen në përputhje me Kushtetutën.
“Kosova duhet të sillet si shtet serioz. Jemi në prag të arritjes së një marrëveshjeje që i hapë perspektivë Kosovës dhe e mbyll një kapitull të rëndësishëm. Si vend kemi marrë obligime shtetërore dhe nuk mund të sillemi sikur nuk ka ndodhur asgjë. Çështjet e hapura të zgjidhen në përputhje me Kushtetutën, por çështja kryesore është marrëveshja kornizë e cila tashmë është pranuar”, ka deklaruar Tahiri.
Shefi i deputetëve të AAK-së, ka shtuar se “mbetet edhe përmbyllja e aneksit si instrument i implementimit të saj dhe unë kam shpresë së do të përmbyllet me sukses”.
Ndaj deklaratës së emisarit Lajçak ka reaguar mbrëmë edhe ish-ministrja e Punëve të Jashtme, Meliza Haradinaj-Stublla.
“Deklarata e Lajçakut se “nëse nuk ka Asociacion, nuk do të ketë marrëveshje” është përshkrim i punës së tij trevjeçare për dialogun Kosovë – Serbi : i njëanshëm, asimetrik dhe i pafrytshëm”, ka shkruar Haradinaj-Stublla në një postim në Twitter.
#Lajcak declaration that “if there is no Association, there will be no agreement” is depictive of his three-year emissary for #Kosovo–#Serbia dialogue: biased, asymmetric & fruitless.
— Meliza Haradinaj (@MelizaHaradinaj) March 14, 2023
Ndryshe, Telegrafi ka provuar të marrë një qëndrim sa i përket kësaj deklarate të Lajçakut edhe nga dy partitë tjera opozitare PDK e LDK, por të njëjtat nuk kanë kthyer përgjigje.
Kujtojmë se kryeministri i Kosovës, Albin Kurti, dhe presidenti i Serbisë, Aleksandar Vuçiq, pritet të takohen në Ohër të Maqedonisë së Veriut më 18 mars, për të diskutuar zbatimin e planit 11-pikësh të BE-së.
Dy udhëheqësit u dakorduan muajin e kaluar se përmbajtja e tij nuk ka nevojë të diskutohet më tej.
Plani i BE-së nuk e obligon Serbinë që ta njohë pavarësinë e Kosovës, por dy vendet do t’i njihnin dokumentet e njëra-tjetrës, si: pasaportat, diplomat dhe targat. Serbia, gjithashtu, nuk do ta bllokonte anëtarësimin e Kosovës në organizatat ndërkombëtare.
Plani, po ashtu, u kërkon palëve që t’i zbatojnë të gjitha marrëveshjet e arritura deri më tash në dialogun për normalizimin e marrëdhënieve, përfshirë atë për formimin e Asociacionit të komunave me shumicë serbe. /Telegrafi/
Promo
Reklamo këtuLufta Prigozhin - Putin
Më shumëAtentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Tragjedia në Shkodër, gjendet trupi i pajetë i fëmijës së dytë në lumin Buna
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
DW: Sinjale alarmi nga Ballkani - po përsëritet historia?
“Nuk ka asnjë emër që ka pushtuar botën më shumë sesa Skënderbeu”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'