Fatkeqësisht, sado mirë ta njihni qenin tuaj, ai bëhet enigmë e vërtetë në situata të caktuara
Një nga këto situata është kur qeni refuzon të hajë ushqimin e tij.
Kjo është veçanërisht konfuze nëse e dini se shumica e qenve nuk e refuzojnë ushqimin në asnjë rrethanë, sepse kjo është mënyra e vetme që kafsha të marrë dozën e saj ditore të lëndëve ushqyese.
Nëse kafsha juaj ka një oreks dukshëm më të ulët për disa ditë, do të ishte mirë të merrni parasysh arsyet që ju sjellim në tekstin tonë.
Disa prej tyre do t’ju zbulojnë se keni qenë të shqetësuar pa asnjë arsye, ndërsa të tjerët mund t’ju drejtojnë të kërkoni ndihmën e një veterineri, transmeton Telegrafi.
Qeni hëngri diçka që nuk duhej
Është e mahnitshme se si qentë dhe fëmijët gjithmonë duket se gjejnë diçka brenda dhe përreth shtëpisë që nuk është e ngrënshme dhe e vendosin në gojë. Kjo padyshim mund të ndikojë në stomakun e tyre. Një gjë që mund të bëni në këtë rast është të shikoni qenin tuaj dhe të prisni derisa trupi i tij të përpiqet të nxjerrë jashtë objektin e huaj. Nëse qeni ka ethe, po vjell ose duket se ka shumë dhimbje, do t’ju duhet ta çoni te veterineri.
Ndjehet i mërzitur
Ka një sërë arsyesh që mund të bëjnë që një qen të jetë shumë i mërzitur për të ngrënë. Ngjarjet si bubullima ose fishekzjarrë janë një nga ato kur ushqimi bëhet gjëja e fundit në mendjen e një qeni. Në ato situata, ai thjesht dëshiron të largohet nga tingujt e pakëndshëm sa më shumë që të jetë e mundur. Gjithashtu, nëse sapo keni ardhur nga rruga, ka gjasa që qenit t’i shqetësohet stomaku, prandaj ai nuk do të jetë i uritur. Një vizitë tek veterineri mund të jetë arsyeja pse qeni nuk ka oreks.
Është i sëmurë
Qentë nuk ndryshojnë shumë nga njerëzit kur bëhet fjalë për sëmundjen, pra sjelljen që pason kur sëmuren. Shumica e njerëzve refuzojnë ushqimin kur janë të sëmurë, dhe e njëjta gjë është edhe me qentë. Nëse nuk mund ta bëni kafshën tuaj të shijojë ushqimin e tij të preferuar, edhe nëse e joshni me ëmbëlsira, duhet të kërkoni ndihmën e një veterineri. Gama e sëmundjeve që bëjnë që një qen të refuzojë ushqimin është e gjerë dhe për të mos marrë më të keqen, do të ishte mirë të kërkoni këshillën e një profesionisti.
Problemi është moti
Qentë janë mjaft të ndjeshëm ndaj motit. Nëse jashtë është shumë ngrohtë, shumica e qenve nuk do të emocionohen kur vjen vakti i darkës. Kjo vlen kryesisht për ushqimin që ia jepni të ngrohtë qenit tuaj. Më shpesh, ata as nuk do ta prekin ushqimin atë mbrëmje, por mund të afrohet në mëngjes kur është ftohur plotësisht dhe temperaturat jashtë janë më të ulëta. Ajo që është e rëndësishme është t’i jepni qenit tuaj shumë ujë gjatë këtyre ditëve për ta mbajtur atë të freskët dhe kur të ndjejë nevojën për ushqim, ai do të hajë. Granulat janë një zgjedhje e mirë në verë, sepse nuk kërkojnë ngrohje, ndërsa ushqimi i lagësht përmban një përqindje më të lartë të ujit. Varianti më i mirë është një kombinim i këtyre dy llojeve. /Telegrafi/
Promo
Reklamo këtuLufta Prigozhin - Putin
Më shumëMë e mirë se edhe pika G: Prekeni këtu dhe do ta çmendni nga kënaqësia!
Prindërit mbivlerësojnë më shumë aftësitë matematikore të djemve sesa të vajzave, thotë studimi
Personat me aftësi të kufizuara krijojnë vepra arti
Shumica gabojnë: Ja pse duhet të lani shtrojat e krevatit vetëm në këtë temperaturë
Thënie nga Leo Tolstoy për t’i eksploruar të gjitha aspektet e jetës
Ky është qyteti më aromatik në Evropë. Kur të lexoni titullin, me siguri do të mendoni: “Epo, qytetet nuk mbajnë erë”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore