Për Asociacionin, ambasadori amerikan Jeff Hovenier do të diskutojë në Prishtinë, të martën me përfaqësues politikë dhe të shoqërisë civile në Kosovë, por prezentë nuk do të jetë edhe kryeministri Albin Kurti. Ky i fundit tha se nuk është ftuar në takim, gjë e cila po vlerësohet të jetë tregues i përkeqësimit të raporteve.
Kanë mbetur edhe dy ditë nga takimi i thirrur nga ambasada amerikane në Kosovë ku do të diskutohet për Asociacionin.
Në një temë të rëndësishme për vendin, i ftuar nuk është edhe kryeministri Albin Kurti.
Mos ftesa për Kurtin po konsiderohet sinjal për përkeqësim të raporteve me ndërkombëtarët.
Belgzim Kamberi nga Instituti “Mousine Kokalari” ka thënë se mbetet të shihen si po shkojnë raportet e Kurtit me Amerikën.
“Në rast që në këtë takim nuk do të ketë përfaqësues të Qeverisë së Republikës së Kosovës, atëherë kjo do të vërtetojë përkeqësimin e komunikimit dhe të çështjeve të asociacionit të komunave serbe midis qeverisë së Kosovës dhe zyrtarëve amerikanë. Kjo dëshmon se do të vazhdojnë presionin për të jetësuar këtë Asociacion. Do të mbetët të shihet dhe të vërtetohet që marrëdhëniet mes SHBA-ve dhe kryeministrit të Kosovës, janë në përkeqësim ose jo mes dy palëve”, deklaroi Kamberi për RTV Dukagjinin.
Ky injorim po sipas njohësit të çështjeve politike, Arbnor Sadikut është një mesazh i qartë për kryeministrin.
“Injorimi që i ka bërë ambasada amerikane, kryeministrit Albin Kurti është dëshmi që pala kosovare nuk është një palë bashkëpunues me QUINT-in për arritjen e një marrëveshje për Asociacionin e komunave më shumicë serbe dhe në të njëjtën kohë është paralajmërim se vërtetë SHBA-të, Asociacionin në Kosovë mund ta bëjnë edhe pa Vetëvendosjen dhe Albin Kurtin”.
E sipas profesorit Dritëro Arifi, takimi i thirrur nga SHBA-të është një tregues që Qeveria po ikë nga përgjegjësia.
“Nga ana tjetër, nga niveli i dytë e shikojmë si një farë lloj ikje nga përgjegjësia e Qeverisë së Republikës së Kosovës, në një farë mënyrë të gjithë pushteti po themi kushtimit ekzekutiv ja ka dorëzuar Ambasadës amerikane, pikërisht po flas vetëm për këtë çështje (Asociacionin), kjo po tregon për shkak se SHBA-të e kanë marrë këtë çështje seriozisht për të përfunduar këtë pikë të marrëveshjes së Brukselit dhe që mund të shkojmë në marrëveshje finale”.
Se nuk u ftua në takim e tha vetë kryeministri Albin Kurti ditë më parë.
Megjithëkëtë, ftesën në takimin e 31 janarit e ka pranuar Vjosa Osmani, zëvendëskryeministrja Emilja Rexhepi e ministri për Komunitete dhe Kthim, Nenad Rashiq.
Po ashtu në takim janë ftuar edhe përfaqësues të partive politike, shoqëria civile e diplomatët.
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe