Pioli mendon ndryshimin e taktikave për t’i dhënë fund krizës së Milanit

Stefano Pioli thuhet se mund të përdorë dy sisteme të ndryshme në ndeshjet e ardhshme, duke shpresuar t’i japë fund formës së keqe të Milanit.

Kuqezinjtë kthehen në stërvitje nesër pas humbjes 3-0 në përballjen ndaj Interit të mërkurën në kuadër të finales së Superkupës së Italisë.

Fillimi i vitit i Milanit ka qenë i tmerrshëm, pavarësisht humbjes së tyre në derbi. Ata kanë fituar vetëm një ndeshje, duke barazuar kundër Romës dhe Lecces dhe duke u përballur me eliminimin e Kupës së Italisë nga Torino.

Kampionët aktual të Serie A duken më të prekshëm se vitin e kaluar, kështu që Pioli thuhet se po mendon të ndryshojë sistemin për ndeshjet e ardhshme.

Sipas La Gazzetta dello Sport, Pioli mund të kalojë në sistemin 4-3-3 kundër Lazios të martën. Në letër, ky formacion i ri do t’i lejonte kuqezinjtë të mbuloheshin më shumë në qendër të mesfushës.

Pioli pensa a cambi tattici, la Gazzetta: “Mediana fisica o due punte per aiutare Giroud” https://t.co/YMMCqAPSHb

— MilanNews.it (@MilanNewsit) January 20, 2023

Rade Krunic do të rikthehet në stërvitje nesër, kështu që ai do të jetë në dispozicion kundër Lazios javën e ardhshme dhe mund të fillojë në mesfushë së bashku me Sandro Tonalin dhe Ismael Bennacer, të cilët vuajtën kundër Interit.

Një tjetër opsion për Piolin është formacioni 4-4-2 i cili do t’i ofronte më shumë mbështetje sulmuesit qendror Olivier Giroud.

Charles De Ketelaere, Brahim Diaz, Ante Rebic, Divock Origi dhe madje edhe Rafael Leao është ndër partnerët e mundshëm të sulmuesit francez, i cili ka shënuar nëntë gola në 24 ndeshje këtë sezon, por ende nuk e ka gjetur rrjetën në 2023. /Telegrafi/