Ish-ministri slloven i Mbrojtjes: Të kemi kujdes nga narrativa mediatike pro-ruse, Rusia dhe Serbia partnerë destabilizues të Ballkanit

Ish-ministri slloven i Mbrojtjes, Roman Jakiq thotë se Rusia dhe Serbia janë partnerë që kontribuojnë për destabilizimin e vendeve  Ballkanit Perëndimor.

Jakiq në një intervistë për The Geopost thekson se duhet pasur kujdes nga mediet që promovojnë narrativën pro-ruse në këto anë.

“Rusia dhe Serbia janë partnerë shumë të mirë dhe supozoj se përmes Serbisë po destabilizojnë jo vetëm Bosnjën e Hercegovinën, Malin e Zi dhe Kosovën, por edhe vendet e tjera të rajonit”, thekson Jakiq.

“Është interesante se narrativa në Serbi është se Rusia po e ndihmon Serbinë, por në thelb nëse shikoni shifrat dhe ndryshimin në tregti, mund të shihni se Serbia ka pjesën më të madhe me BE-në, më shumë se 70 për qind me Gjermaninë dhe Italinë dhe se tregtia me Rusinë është më e vogël”, shton ai.

Sipas tij, faktori ndërkombëtar duhet të përgjigjet për sigurinë e qytetarëve në Kosovë.

“Mendoj se janë dy faktorë shumë të rëndësishëm ndërkombëtarë, përkatësisht KFOR-i dhe EULEX-i, të cilët gjithashtu duhet të kujdesen për sigurinë e njerëzve dhe se ky tension në rritje duhet të zgjidhet përmes dialogut ndërmjet Kosovës dhe Serbisë”, pohon ai.

Në këtë intervistë, Jakiq ka folur edhe për qëndrimin e Sllovenisë karshi agresionit ushtarak rus në Ukrainë si dhe për zgjimin gjeopolitikë të Bashkimit Evropian.

Intervista e plotë:

Si e sheh Sllovenia situatën e re gjeopolitike në Ballkan?

Pas luftës në Ukrainë definitivisht u përshkallëzua edhe më shumë, më parë Sllovenia kishte ndjesinë se ishte i pranishëm ndikimi i disa lojtarëve të tretë përveç Rusisë dhe Kinës dhe pjesërisht Turqisë, por pas luftës në Ukrainë u shfaq më shumë dhe në Slloveni kishte një shqetësim, se Ballkani Perëndimor do të ishte një fushëbetejë ku do të zbatoheshin disa politika të lojtarëve të mëdhenj.

Gjeopolitika ka ndryshuar, gjë që është e mirë në të gjithë historinë është se situata gjeopolitike zgjoi në një farë mënyre Bashkimin Evropian “të fjetur” dhe se kjo e fundit e kuptoi se duhet të ketë kujdes për atë gjeopolitikë dhe ndërhyrjen e lojtarëve të tretë në vetë historinë.

Si e shihni ndikimin rus në Ballkan, konkretisht nga këndvështrimi juaj? Ju ishit ministër i Mbrojtjes dhe i NATO-s, si u interpretua ndikimi rus në Ballkan?

Epo, kjo shihet përmes deklaratave të Sergei Lavrovit, i cili nuk arriti të vinte me aeroplan në Serbi për të mbështetur Ballkanin e Hapur dhe ku tha se Bashkimi Evropian po e mbyll Ballkanin dhe se ai vetëm donte të mbështeste atë ngjarje, për të cilën as unë nuk jam entuziast.

Një vit më parë, kur Vladimir Putin debatoi me Barack Obamën për vijën e kuqe, ai tha se nuk është vetëm me vendet e ish-Bashkimit Sovjetik, por se ajo kalon përmes Beogradit, Republika Serbe dhe deri në Mal të Zi. Pra, ky ndikim është i fortë.

Ideologu i tij kryesor tha se duhet të përfundojë puna në Ballkan që Rusia filloi me ndikimin e saj, ndikimi njihet edhe në hapësirën mediatike që mbyll dhe ku promovojnë ideologjinë pro-ruse. Ata janë lojtarë të mëdhenj nga të cilët duhet pasur kujdes.

Si e shihni situatën në veri të Kosovës? Presidenti serb Aleksandar Vuçiq është më afër Rusisë apo Perëndimit, a mund ta thotë këtë më në fund?

Rusia dhe Serbia janë partnerë shumë të mirë dhe supozoj se përmes Serbisë po destabilizojnë jo vetëm Bosnjën e Hercegovinën, Malin e Zi dhe Kosovën, por edhe vendet e tjera të rajonit.

Është interesante se narrativa në Serbi është se Rusia po e ndihmon Serbinë, por në thelb nëse shikoni shifrat dhe ndryshimin në tregti, mund të shihni se Serbia ka pjesën më të madhe me BE-në, më shumë se 70 për qind me Gjermaninë dhe Italinë dhe se tregtia me Rusinë është më e vogël.

Duket se BE-ja nuk di të mburret se është në një farë mënyre partneri kryesor i Serbisë. Në këtë këndvështrim do të prisja që presidenti Vuçiq të mbështetet në BE, e cila është partneri i tij dhe që i siguron fonde.

Më duhet të them se raporti që po ndjekim dhe dialogu ose më saktë “mos-dialogu” ndërmjet Kosovës dhe Serbisë. Kur flet për numrat e regjistrimit, duhet të ketë një simbolikë që të gjithë e kanë njëfarë kuptimi, por për shembull ato targa nuk ua përmirësojnë jetën njerëzve në Kosovë, as kosovarëve e as serbëve, ka shumë probleme të tjera më të mëdha, që duhet të zgjidhen së bashku dhe të mos përshkallëzohet situata deri në atë pikë sa të mund të ketë përshkallëzim ushtarak për shkak të targave.

Si e shihni situatën e sigurisë në veri për shkak të informacionit se atje ka disa njësi të armatosura para-ushtarake dhe ish-policë që duan të destabilizojnë Kosovën përmes Serbisë?

Unë nuk miratoj asnjë njësi paraushtarake.

Mendoj se janë dy faktorë shumë të rëndësishëm ndërkombëtarë, përkatësisht KFOR-i dhe EULEX-i, të cilët gjithashtu duhet të kujdesen për sigurinë e njerëzve dhe se ky tension në rritje duhet të zgjidhet përmes dialogut ndërmjet Kosovës dhe Serbisë. /The Geopost/