“Kom me ta shpraz karikatorin n’kry…”, katër persona rrahin brutalisht një të ri në Pejë
Në një video incizim, i cili është duke qarkulluar në disa media, shihen katër persona duke rrahur brutalisht një të ri.
Policia e Kosovës ka njoftuar për Telegrafin se rasti ka ndodhur më 07 tetor, ndërsa në video shihet se si katër personat e rrahin viktimën, i cili i shtrirë po përpiqej të mbrojë kokën, derisa sulmuesit po e shqelmonin dhe goditnin me grusht dhe shkop.
Njëri nga sulmuesit derisa e godiste, ai po ashtu edhe e kërcënonte duke i thënë viktimës: “Kom me ta shpraz karikatorin n’kry”.
Zëdhënësi i Policisë së Kosovës për rajonin e Pejës, Fadil Gashi në një prononcim për Telegrafin tha se ngjarja ka ndodhur më 07.10.2022 rreth orës 12:40, në Pejë.
Sipas tij, rasti i raportuar nga vetë viktima, kurse nga prokurori i Shtetit është iniciuar si ‘Lëndim i lehtë trupor”.
Ai tutje tha se viktima kishte raportuar se nuk i njihte personat që e kanë sulmuar.
Gashi tregoi po ashtu se në lidhje me rastin, pas një video incizimi, njësitet e hetuesisë kanë identifikuar katër persona të dyshuar dhe kanë arritur t’i arrestojnë.
“Rasti ka ndodhur më 07.10.2022 rreth orës 12:40 minuta, viktima ka raportuar se ishte sulmuar nga disa persona të rinj të panjohur për të. Rasti nga prokurori i Shtetit është iniciuar si ‘lëndim i lehtë trupor’. Më datë 15.10.2022, njësiti i hetuesisë në Pejë ka arritur përmes një video incizimi t’i identifikojë dhe t’i arrestoj katër personat e dyshuar”, ka thënë ai.
Tutje Gashi u shpreh se ndaj tre personave (një i rritur, dy të mitur) është caktuar masë e ndalimit policorë, ndërsa ndaj personit të katërt pas intervistimit është liruar në procedurë të rregullt.
“Ndaj tre personave të dyshuar është caktuar masë e ndalimit policorë, ndërsa ndaj të dyshuarit të katërt pas intervistimit është liruar në procedurë të rregullt. I dyshuari i parë përveç veprës ‘lëndim i lehtë truporë’ është ngarkuar dhe me veprën penale ‘kanosje’”, ka thënë Gashi.
Sipas tij, i dyshuari i parë është mbajtur në paraburgim për 48 orësh, ndërsa dy të tjerët nga 24 orë pasi janë të mitur.
Ndërsa, zëdhënësi i Prokurorisë Themelore në Pejë, Shkodran Nikçi për Telegrafin tha se janë arrestuar personat e dyshuar.
“Personi i dyshuar i moshës madhore është ndaluar për 48 orë dhe ndaj tij prokurori i shtetit ka bërë kërkesë për caktimin e masës së paraburgimit, ku kërkesa e Prokurori të Shtetit është aprovuar nga Gjykata. Për dy personat e dyshuar ( të mitur) për njërin është bërë masa e arrestit shtëpiak, ndërsa për tjetrin ndalimi i afrimit të personit”, ka thënë Nikçi.
Sipas burimeve të Telegrafit personit të mitur që i është shqiptuar masa e ndalimit në arrest shtëpiak është në shkollë fillore. /Telegrafi/
Në videon më poshtë të Kallxo.com, shihet momenti kur i riu rrahet brutalisht:
Pamje të rënda!
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe