Një ditë më parë Komisioni për Integrime ka mbajtur mbledhjen e radhës, ndërsa i pranishëm për raportim ishte edhe zëvendëskryeministri i vendit, Besnik Bislimi.
Zëvendëskryeministri Bislimi gjatë kësaj mbledhje ka raportuar për çështjen e dialogut Kosovë- Serbi, takimit Kurti-Vuçiq, pastaj për çështjen e liberalizimit të vizave. Ai është pyetur edhe për deklaratën e deputetes së LVV-së, Fitore Pacolli për mediat, e që nxiti debat në vend.
Në fillim të mbledhjes, deputetja e Partisë Demokratike të Kosovës, Blerta Deliu-Kodra ka drejtuar kritika ndaj Qeverisë së Kosovës, ndërsa pyeti zëvendëskryeministrin edhe si e bën gjumin.
“A ke fjet zëvendëskryeministër, a ju ka marrë gjumi se jemi bo merak”, e ka pyetur Deliu-Kodra zëvendëskryeministrin Bislimi.
“Mirë, ju?”, ishte përgjigjja e Bislimit.
E gjithë kjo erdhi pas një deklarate të kryeministrit të Kosovës, Albin Kurti, i cili tha se zëvendësi i tij “bie në gjumë dhe zgjohet në mëngjes me preokupimin e çështjes së energjisë dhe pagesës në veri të vendit”.
U kërkua që Qeveria dhe Kuvendi të marrin masa ndaj mediave, Bislimit i kërkohet të distancohet nga deklarata e Fitore Pacollit
Temë e debatit në Komisonin për Integrime ishte edhe deklarata e deputetes Fitore Pacolli, se Qeveria dhe Kuvendi duhet të marrin masa ndaj mediave.
Zëvendëskryeministrit Besnik Bislimi i është kërkuar nga anëtarët e Komisionit për Integrime Evropiane, që të distancohet kjo deklaratë.
Ishte deputetja e PDK-se, Blerta Deliu-Kodra e cila ia kërkoi Bislimit që mbajë një qëndrim lidhur me deklaratat e deputetes Pacolli.
“Për rastin e Fitore Pacollit… pse s’po e thoni një fjalë, pse s’po merrni anë me thënë ‘është gabim’ sepse jeni zëvendëskryeministër, përgjegjës për procesin integrues dhe për çështje të dialogut Prandaj, ju e dini shumë mirë, për një vend demokratik që raportet të vijnë me zëra të shumicës që sot kërkon censurë, dhe kërkon të ketë kontroll nga Kuvendi dhe Qeveria për mediat, është më e pakta që duhet ta thoni sot në këtë takim”, tha Deliu.
Por Bislimi, nuk deshi fare ta prekë këtë temë duke u shprehur “se nuk jam këtu për këtë çështje”.
“Nuk kam ardhur të bëj debat politik me juve, për arsye se deputetët mes vete e kanë pastaj seancën plenare ku i ballafaqojnë qëndrimet, e kjo vlen edhe për ato brengat që i keni ju për deklaratën e deputetes rreth mediave”, tha ai.
Deputetja e Lëvizjes Vetëvendosje, Fitore Pacolli ditë më parë në seancën e Kuvendit të Kosovës u deklarua për punën e mediave në vend, duke thënë se viteve të fundit janë vërejtur investime të mëdha private në media përmes së cilës është krijuar mundësia e ndërhyrjes dhe ndikimit në disa mediume kryesore dhe në ato online të cilat po përdoren për qëllime biznesore dhe shantazh politik.
“Edhe si Qeveri edhe si Kuvend duhet të marrim masa sepse viteve të fundit janë vërejtur investime të mëdha private në media përmes së cilës është krijuar mundësia e ndërhyrjes dhe ndikimit në disa mediume kryesore dhe në ato online të cilat po përdoren për qëllime biznesore dhe shantazh politik
Pra këtu kërkojmë vëmendjen e Kuvendit dhe të Qeverisë që të marrim masa dhe të kuptojmë më shumë se çfarë po ndodh me funksionimin e medias, transparencën dhe identifikimin e pronësisë së mediumeve”, tha ajo.
Optimist se regjimi i vizave do të largohet shpejt, dështon takimi i 19 korrikut ndërmjet Kurtit dhe Vuçqit
Zëvendëskryeministri i Kosovës, Besnik Bislimi, ka thënë se Serbia po tenton të sabotojë dhe minojë procesin e dialogut.
Bislimi, duke raportuar në Komisionin për Integrim Evropian, bëri të ditur se ka dështuar aranzhimi për takim Kurti-Vuçiq në Bruksel.
Sipas tij, Vuçiq, ka dhënë arsye jo relevante për të mos u takuar me kryeministrin Kurti gjatë kësaj jave.
Madje, sipas tij, takimi me homologun e tij serb, Petkoviq dështoi edhe javën e kaluar.
Duke folur për marrëveshjen për energjinë në veri, Bislimi tha se ka vonesa të qëllimshme për zbatim të udhërrëfyesit nga Elektroserveri.
Para deputetëve, Bislimi u shpreh optimist edhe për liberalizimin e vizave.
“Është punuar bukur shumë me dëmtu procesin e liberalizimit të vizave. Mirëpo jam optimist që regjimi i vizave do të largohet shpejt”, tha ai. /Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City