Miley Cyrus e quan martesën me Liam Hemsworth ‘një fatkeqësi’ gjatë koncertit në Brazil

Miley Cyrus thotë se martesa me Liam Hemsworth ishte ‘një fatkeqësi’ pasi ajo ndihmon një çift të fejohet në Lollapalooza të Brazilit.

Krijuesja e hitit “Midnight Sky” mori pjesë festivalin në Sao Paulo të shtunën mbrëma (26 mars) dhe solli një çift homoseksual në skenë për të bërë propozimin.

Pasi përgëzoi çiftin, ajo tha: ‘Zemër, shpresoj që martesa jote të shkojë më mirë se e imja, e imja ishte një fatkeqësi’.

Ikona 29-vjeçare e popit, e cila gjithashtu njoftoi albumin e saj të ri, “Attention: Miley Live”, do të publikohet më 1 prill, u nda nga aktori i “Hunger Games” në gusht 2019, më pak se një vit pasi u martuan.

Miley kishte pranuar më parë se kishte patur shumë konflikte në martesën e saj, shkruan DailyMail.

“Kishte shumë konflikte….Kur kthehem në shtëpi, dua të mbështetem nga dikush. Unë nuk preferoj dramë apo zënka”, kishte deklaruar Miley.

Këngëtarja e “Prisoner” u fejua me Liam në maj 2012, por ata u ndanë në shtator 2013, përpara se të ribashkoheshin në 2016.

Çifti u martua në dhjetor 2018 dhe divorci i tyre u finalizua në janar 2020.

Ylli pranoi se nuk e dinte nëse ajo dhe aktori 32-vjeçar do të kishin përfunduar në martesë nëse nuk do të kishte ndodhur shkatërrimi i shtëpisë së saj në Malibu nga një zjarr në 2018.

“Ne ishim bashkë që në 16. Na u dogj shtëpia. Ne kishim qenë të fejuar. Nuk e di nëse vërtet kemi menduar ndonjëherë se do të martoheshim, por kur humbëm shtëpinë tonë në Malibu, e cila nëse dëgjoni zërin tim para dhe pas zjarrit, ato janë shumë të ndryshme, kështu që trauma vërtet ndikoi në zërin tim”, ka thënë Cyrus.

Artistja e “Wrecking Ball” ishte në Afrikën e Jugut në kohën kur humbi shtëpinë dhe nuk mund të kthehej menjëherë.

Lexo po ashtu Të gjitha lajmet nga Miley Cyrus

“Kafshët e mia ishin të lidhura në një shtyllë në plazh. Kam humbur gjithçka. Kisha kaq shumë dhe gjithçka ishte zhdukur, çdo këngë që kisha shkruar ndonjëherë ishte në atë shtëpi. Çdo fotografi që më kishin dhënë prindërit e mi, të gjithë skenarët e mi, humba gjithçka”, ka thënë ylli i muzikës.

“Dhe kështu në përpjekjen për ta bashkuar atë përsëri, në vend që të shkoja, ‘Oh, natyra bëri diçka që unë nuk mund ta bëja për veten time; më detyroi të lëshohesha, vrapova drejt zjarrit. Thjesht u ngjita pas asaj që më kishte mbetur nga ajo shtëpi, që ishim unë dhe ai”, përfundoi Miley.

Ndërkohë, Miley gjatë koncertit po ashtu ka nderuar mikun e saj tashmë të ndjerë, bateristin e “Foo Fighters” Taylor Hawkins i cili vdiq të shtunën (26 mars).

Cyrus ia kushtoi këngën “Angles Like You” teksa u përlot gjatë performancës. /Telegrafi/