Fjalët e para të Adama Traores pas rikthimit te Barcelona

Adama Traore është i lumtur që është rikthyer te Barcelona pas shtatë vitesh larg nga klubi nga Camp Nou.

Barça përfundoi nënshkrimin e anësorit sulmues këtë mbrëmje, duke e marrë atë në një marrëveshje huazimi nga Wolves deri në fund të sezonit me opsion blerje për 30 milionë euro.

Marrëveshja ka parë që Traore të kthehet në Camp Nou pas shtatë vitesh në Ligën Premier, ku kaloi kohë me klube si Aston Villa, Middlesbrough dhe së fundmi te Wolves.

Traore u rrit brenda Camp Nout dhe u diplomua nga akademia e famshme e Barçës, La Masia.

Ai rikthehet duke kërkuar të ndihmojë ekipin e Xavi Hernandez të sigurojnë një vend të katërshen e parë të La Ligas pas një fillimi të vështirë të sezonit.

Dhe ka folur për lumturinë e tij të rikthimit në vendlindjen e tij pasi vendosi lapsin mbi letër për të përfunduar marrëveshjen.

Welcome back! Stronger than ever!#MadeInLaMasia pic.twitter.com/ZuAOCmNvrL

— FC Barcelona (@FCBarcelona) January 29, 2022

“Jam shumë i lumtur që kthehem këtu. Ka kaluar një kohë e gjatë që kur isha këtu”, ka thënë fillimisht Traore për BarcaTV.

“Për mua është një moment i veçantë sepse kanë kaluar shumë vite që kur luaj këtu. Jam rritur këtu në këtë qytet, jam rritur këtu me familjen time dhe jam rritur këtu me fansat e mi”.

“Jam shumë i lumtur dhe është një moment shumë i veçantë. Do të doja ta ktheja atë lumturi në fushë dhe kjo është e gjitha”, përfundoi spanjolli.

Traore pritet të regjistrohet me shpejtësi në skuadrën e Barçës në La Liga dhe duhet të ketë të drejtë të luajë të dielën e ardhshme, kur ekipi i Xavit përballen me Atletico Madridin në një përplasje vendimtare për top katërshe. /Telegrafi/

❝ I'm so happy to come back here! ❞

— @AdamaTrd37 pic.twitter.com/rooMTeBzHR

— FC Barcelona (@FCBarcelona) January 29, 2022