Belgjika publikon listën me lojtarët e ftuar për Kampionat Evropian, Januzaj mbetet vetëm në listën rezervë

Kombëtarja e Belgjikës ka qenë e para që ka publikuar listën me futbollistët e ftuar për Kampionatin Evropian.

Red Devils kanë grumbulluar 26 futbollistë për këtë turne madhor, ku në të janë emrat më të mëdhenj të futbollit belg.

Në portë janë grumbulluar portierët si Thibaut Courtois, Simon Mignolet e Matz Sels.

Mbrojtja përbëhet nga lojtarët e qendrës si Thomas Vermaelen, Jan Vertonghen, Dederyck Boyata, Toby Alderwierld e Jayson Denayer.

Anësorët e mbrojtjes dhe mesfushës janë si Yannick Carrasco, Timothy Castagne, Nacer Chadli, Thorgan Hazard apo Thomas Meunier.

Ndërkohë mesfushorët janë lojtarët si Kevin De Bruyne që po konsiderohet si kryesori i skuadrës, Leander Dendoncker, Dennis Praet, Youri Tielemans, Hans Vanaken, Axel Witsel.

Reparti ofensivë i belgëve është i frikshëm me lojtarët si Jeremy Doku, Eden Hazard, Dries Mertens, Leandro Trossard, Michy Batshuayi, Chrstian Benteke e Romelu Lukaku.

Ylli kosovar, Adnan Januzaj nuk ka marrë ftesë nga trajneri Roberto Martinez, por ai qëndron në listën rezervë që në rast lëndimit të ndonjë futbollisti mund të ftohet.

Përveç Januzajt, në listën rezervë janë edhe futbollistët tjerë si Kaminski, Saelemaekers, Sambi Lokonga, Heynen, Foket, Mechele, Jordan Lukaku, Vanheusden, Verschaeren dhe De Ketelaere. /Telegrafi/