Rummenigge: Conte ka bërë punë të madhe te Interi, Lukaku është një kolos

Ish sulmuesi Karl-Heinz Rummenigge i jep merita të mëdha trajnerit Antonio Conte për pozicionin e Interit në Serie A, ndërsa ka vlerësime të mëdha edhe për Romelu Lukakun.

Kryetari aktual i Bayern Munchen kaloi tre vjet si lojtar në “Giuseppe Meazza”, kur u transferua te Nerazzurrët në vitin 1984, para se të përfundonte karrierën e tij te Servette FC në Zvicër.

“Stabiliteti në paraqitje dhe taktikat janë shumë interesante”.

“Është një taktikë që i përshtatet ekipit, falë Contes, i cili bëri një punë të shkëlqyeshme. Ju mund ta shihni se Interi është i ndryshëm nga ai kur ai arriti dy vjet më parë”.

“Më pëlqen sepse ata janë të qëndrueshëm në mbrojtje dhe të jashtëzakonshëm në sulm. Lautaro dhe Lukaku po ecin vërtet mirë”.

“Por edhe mesfusha. Është një ekip i zgjedhur mirë nga klubi dhe shoku im [Beppe] Marotta. Është kënaqësi të shikosh Interin në TV”, ka thënë Rummenigge.

Gjermani ka thënë se Romelu Lukaku është krejt ndryshe nga ai që ishte te Manchester United, duke ‘rilindur’ në Milano.

“Ai është ndryshe. Ai është fizikisht një kolos. Por edhe ai shkon mirë teknikisht. Ai nuk mbështetet vetëm në natyrën e tij fizike, ai është i mirë”.

“Në derbi ai i dha një asistim të jashtëzakonshëm për Lautaron. Lukaku ka aftësi teknike që nuk u panë aq shumë te Manchester. Edhe ai ka rilindur falë Interit”, deklaroi Rummenigge. /Telegrafi/