Agjenti dhe federata zvicerane: Andi Zeqiri i qëndron besnik Zvicrës – nuk ka zgjedhur Kosovën

Pak ditë më parë, babai i Andi Zeqirit dhe FFK-ja kanë konfirmuar se lojtari ka zgjedhur të luajë për Përfaqësuesen e Kosovës.

Por, i menjëhershëm ka qenë reagimi i federatës së Zvicrës që kanë mohuar se sulmuesi kosovar do të luajë për ‘Dardanët’.

Sipas tyre, Zeiqiri u ka konfirmuar atyre përkushtimin që të luajë për helvetikët edhe një gjë të tillë e ka bërë të ditur edhe agjenti i tij.

https://www.instagram.com/p/CFueo8Cp9CV/?utm_source=ig_embed

“Andi na ka konfirmuar sot (se do qëndrojë te Zvicra)” ka thënë menaxheri i ekipit kombëtar të Zvicrës, Pierluigi Tami.

“Ai ka luajtur gjithmonë me pasion për Zvicrën. Ka pasur disa deklarata të ndryshme rreth të ardhmes së tij, mirëpo ne e mbështesim atë”, ka shtuar më tej ai.

Lexo po ashtu Mediumi zviceran: Andi Zeqiri iku te Kosova, por mund të largohen edhe tre talentë të mëdhenj të futbollit nga ky vend

Ai ka shënuar tri herë në ndeshje të luajtur për U21 dhe tani duket se do të luajë për skuadrën e parë të Zvicrës që udhëhiqet nga Vladimir Petkovic.

Në anën tjetër, kompania The Gold Kick SA ka konfirmuar se Andi Zeqiri ka dërguar një letër te federata e Zvicrës se ai dëshiron të vazhdojë të luajë për ekipin kombëtar. /Telegrafi/