Ishin, por nuk janë më: Deputetët që nuk morën vota të mjaftueshme për të qenë sërish në Kuvendin e Kosovës

Komisioni Qendror Zgjedhor ka bërë shpalljen e rezultateve përfundimtare të kandidatëve për deputet të partive politike.

Sipas KQZ-së, ndarja e ulëseve në Kuvendin e Kosovës do të jetë kështu: LVV 32 deputetë, LDK-29, PDK-25 , AAK-PSD-14, Lista Serbe-10 deputetë, VAKAT-2, KDTP-2, Partia Liberale Egjiptiane-1, Nova Demokratska Stranka-1, Partia e Ashkalinjve për Integrim-1, Inciativa e Re Demokratike e Kosovës-1, Jedinstvena Goranska Partia-1 dhe Partia Rome e Bashkuar e Kosovës-1.

Nga listat e shpallura vërehet se disa nga deputetët e legjislaturës së gjashtë të cilët kanë kandiduar edhe për një mandat, nuk kanë arritur të sigurojnë votat e mjaftueshme.

Telegrafi iu sjell disa nga emrat më aktivë të deputetëve të legjislaturës së kaluar e të cilët nuk morën vota për t’u bërë përsëri deputetë.

Nga Lëvizja Vetëvendosje: Xhelal Sveçla, Ismail Kurteshi, Sami Kurteshi, Drita Millaku të cilët ishin deputetë në mandatin e kaluar, nuk arritën të marrin vota të mjaftueshme për këtë legjislaturë.

Nga Lidhja Demokratike e Kosovës: Naser Rugova, Ismet Beqiri, Liri Kajtazi, Mirjeta Kalludra, Imet Rrahmani, janë disa deputetët e legjislaturës së gjashtë që nuk morën vota të mjaftueshme për të qenë pjesë e Kuvendit.

Nga Partia Demokratike e Kosovës: Xhavit Haliti, Safete Hadërgjonaj, Luljeta Gutaj Veseli, Dhurata Hoxha, Hajdar Beqa, Xhevahire Izmaku, nuk kanë marrë votat e mjaftueshme për të qenë pjesë Kuvendit.

Nga Aleanca për Ardhmërinë e Kosovës: Ahmet Isufi e Muharrem Nitaj, dy deputetët e legjislaturës së kaluar nuk arritën të marrin votat e mjaftueshme për këtë mandat.

Ndërsa ajo që befasoi më së shumti ishte PSD, ku nga kjo parti vetëm një deputet ka arritur të marrë vota të mjaftushme për të qenë pjesë e këtij mandati. Ajo është Natyra Kuçi.

Nga Partia Socialdemokrate: Frashër Krasniqi, Visar Imeri, Shqipe Pantina, Dukagjin Gorani, Fisink Ismaili, Dardan Molliqaj, Dardan Sejdiu, Salih Salihu, Besa Baftiu, Driton Çaushi, janë deputetët e PSD-së të cilët ishin pjesë e Kuvendit e që nuk arritën të marrin votat e mjaftueshme për këtë mandat.

Kujtojmë se NISMA-AKR-PD nuk kanë arritur ta kalojnë pragun zgjedhor dhe do të jenë jashtë Kuvendit në këtë legjislaturë.

Nga Nisma nuk do të jenë Bilall Sherifi, Valdete Bajrami.

Po ashtu edhe Milaim Zeka nuk do të jetë më pjesë e Kuvendit. Zeka kandidoi në zgjedhjet e 6 tetorit prej Partisë Euroatlantike të Kosovës.

Ndryshe Daka ka thënë se nga momenti i shpalljes së rezultatit fillon afati 24 orësh për ankesa nga subjektet dhe kandidatët për deputet. /Telegrafi/