Erling Haaland shkruan historinë në Ligën e Kampionëve

Erling Haaland është bërë adoleshenti me më së shumti gola brenda një sezoni të Ligës së Kampionëve me golin që e shënoi në ndeshjen ndërmjet Napolit dhe Salzburgut.

Talenti norvegjez e ka nisur për mrekulli edicionin e sivjetmë në garën më të madhe evropiane për klube duke arritur të shënojë shtatë gola në katër ndeshje.

Në këtë mënyrë, 19-vjeçari e ka kaluar legjendën Raul dhe yllin Kylian Mbappe, të cilët kanë shënuar nga gjashtë gola, për Real Madridin dhe Monacon, respektivisht, brenda një sezoni kur ishin adoleshentë.

Ai është bërë njëherësh, lojtari i katërt në histori të Ligës së Kampionëve që shënon gola në të katër paraqitjet e para, duke iu bashkuar emrave, si Ze Carlos, Alessandro Del Piero dhe Diego Costa, që e kanë arritur këtë.

Ndërsa shifra prej shtatë golash është për dy më e lartë se cilido lojtar që ka shënuar në katër sfidat e para të Ligës së Kampionëve. /Telegrafi/

7 – Erling Haaland has scored seven goals in his first four Champions League appearances – two more than any other player in the competition’s history. Wunderkind. pic.twitter.com/thPucN0KNM

— OptaJoe (@OptaJoe) November 5, 2019