Era Istrefi bashkëpunon me Yellow Claw dhe Offset për projektin e ri

Këngëtarja e njohur shqiptare, Era Istrefi, vazhdon të jetë mjaft e kërkuar në tregun botëror, teksa në gusht ajo solli këngën e fundit në bashkëpunimin me reperin rus, Sayonara Boy.

Megjithatë, gjatë kësaj kohe ajo ka bashkëpunuar edhe me artistë tjerë të mëdhenj ndërkombëtarë, e cila pritet që shumë shpejt të sjellë këngën e re.

Fjala është për Yellow Claw që janë dyshe DJ dhe producentë nga Holanda më saktësisht nga Amsterdami, kurse në anën tjetër, Offset tashmë njihet edhe si bashkëshorti i reperes Cardi B. Ai është reper, këngëtar dhe kantautor nga Lawrenceville, Georgia.

https://www.instagram.com/p/B1B3pzADTYS/

Projekti i tyre pritet të publikohet këtë të premte dhe ky lajm për fansat e këngëtares u bë i ditur përmes rrjetit social, Instagram.

Lexo po ashtu Të gjitha lajmet nga Era Istrefi

25-vjeçarja ka publikuar një pjesë të shkurtër të këtij klipi, i cili siç duket është mjaft atraktiv dhe i veçantë.

“E premte”, ka shkruar krahas videos artistja Istrefi, që lë të kuptohet se kjo këngë titullohet “Let’s get married”, që në shqip do të thotë “Le të martohemi”.

https://www.instagram.com/p/B2eohr4FUVY/

Era përndryshe po vazhdon të punojë për projekte të shumta në rrafshin ndërkombëtar, të cilat gjithnjë po priten mirë nga fansat e saj. /Telegrafi/