Pronari i vajit Floil: Pas vendosjes së taksës është rritur prodhimi dhe punësimi
Që nga vendosja e taksës 100 për qind ndaj produkteve që importohen nga Serbia dhe Bosnja e Hercegovina, kompania vendore “Fluidi” ka rritur prodhimin e vajit, teksa ka shtuar edhe numrin e të punësuarve.
Kështu është bërë e ditur nga vizita që kryeministri i Kosovës, Ramush Haradinaj i ka bërë kompanisë së pijeve dhe vajit “Floil” në Gjilan.
Pronari i kësaj kompanie, Fejzullah Mustafa, ka thënë se taksa e vendosur ka ndikuar që prodhimin e vajit ta rrisin mbi 100 përqind. Madje ai ka thënë se është dashur që më herët të vendoset një taksë e tillë për prodhimet që vijnë nga shteti serb.
“Taksa si taksë ka ndikuar dhe e ka bërë një efekt të vetin, që mendoj se është dashur edhe më herët të implementohet. Për këtë kohë të taksës së implementuar kemi një rritje të prodhimit, sidomos tek vaji ‘Floil’ kemi rritje më tepër qind për qind, ndoshta mbi 100 përqind kemi një ngritje. Kështu që, mendoj se kjo taksë ka ndikuar pozitivisht tek konsumatori, tek populli i Kosovës se ka kuptuar dhe janë vetëdijesuar se duhet të konsumohen produktet vendore. Nëse konsumohen produktet vendore çka dhe kush fiton, do të fitojë shteti i Kosovës, do të zhvillohet ekonomia e Kosovës”, tha Mustafa.
Ndërkaq, Kryeministri Haradinaj, u ka bërë thirrje qytetarëve të Kosovës që të konsumojnë produktet e kësaj kompanie, duke thënë se përveç që janë të mira janë edhe të vendit.
“Kjo është një kompani e cila e ka fituar besimin e konsumatorit në plot produkte, pra janë lëngjet, pijet joalkoolike e të njohura pra pijet e ‘Fluidit’. Mirëpo, ajo që është diçka vërtet premtuese është vaji ushqimor ‘Floil’, i cili e ka marrë besimin e konsumatorëve të Kosovës pra po i besojnë qytetarët, i kanë besuar kësaj cilësie dhe fatmirësisht ka rritje në prodhim, rritje në punësim që është një lajm i mirë. Dëshiroj t’iu them qytetarëve të Kosovës se kemi të bëjmë me teknologjinë më të avancuar, pra është teknologjia më e avancuar që ekziston sot në botë, kemi të bëjmë me standarde, pra me kushte qysh prodhohet më të avancuarat. Por, kemi edhe të bëjmë me njerëz të kësaj toke që e donë njeriun e këtij vendi, që e donë konsumatorin dhe që janë të kujdesshëm. Për këtë arsye ‘Floil’ është mendoj vaji më i mirë që e kemi në tregun tonë në Kosovë dhe shpresoj që qytetarët tanë ta konsumojnë këtë vaj se është i mirë, është në çmim të arsyeshëm dhe që është i vendit”, u shpreh Haradinaj.
Kreu i Qeverisë së Kosovës gjatë ditës ka vizituar edhe kompaninë “Frutomania”, fabrikën e prodhimit të mishit të pulave dhe vezëve “Konsoni”, si dhe do të vizitojë edhe fabrikën e përpunimit të mishit “Kalabria”. /KP/Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Bëhu banor i kryeveprës së Prizrenit - Grand Residence
Hypi kerrit e nisu për n’Grand Blue Fafa këtë vikend
Policia me apel për qytetarët: Kujdes nga mashtrimi përmes investimeve të dyshuara online
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City