Dino Mustafiq në Shkodër, me shfaqjen “Jugori”

Regjisori boshnjak Dino Mustafiq, ngjiti në skenën e Teatrit Migjeni në Shkodër shfaqjen “Jugori”, të autorit gjerman Reiner Werner Fassbinder.

Teksti flet për mungesën e gatishmërisë për të pranuar atë që është ndryshe sipas orientimit seksual, racor, fetar apo përkatësisë etnike; flet për psikologjinë e turmës, duke provokuar mentalitetin e ulët qytetar.

Në shfaqje janë nëntë persona të cilët, pasi mes tyre përnjëherë shfaqet “ tjetri” i cili zë vendin e tyre në tregun e punës, kapërcejnë nga qëndrimi neutral dhe i distancuar i qytetarëve të qetë, përmes thashethemit, rrëfimeve të fryra, deri në frike dhe pastaj kalojnë në dhunë.

“Ne mundohemi të themi se nuk është e nevojshme që të jemi ashtu siç shpesh na shohin të tjerët sepse jemi nga Ballkani. Ne mundemi dhe duhet të gjejmë rrugën e mirëkuptimit dhe se drejtimi i shoqërisë tonë në të ardhmen që ‘tjetri’ dhe i ndryshmi të bëhen bashkëbisedues. Ky është një nga projektet më të mëdha teatrore në Shkodër, me ndërthurjen multimediale, kërkesave të produksionit, organizimit dhe numrit të bashkëpunëtorëve”, shprehet regjisori.